ଶ୍ରୀନଗର:ଜମ୍ମୁ-କଶ୍ମୀରରେ ପୁଣି ଖାଇକୁ ଖସିଲା ବସ୍ ।ଗତକାଲି ପୁଞ୍ଚରେ ମିନି ବସ୍ ଦୁର୍ଘଟଣାରେ ୧୧ ଜଣଙ୍କ ମୃତ୍ୟୁ ଘଟଣାର ଦୁଃଖ ମନରୁ ଲିଭି ନଥିବା ବେଳେ ଆଜି ରଜୌରୀ ଅଞ୍ଚଳରେ ପୁଣି ଏକ ବସ୍ ଦୁର୍ଘଟଣାଗ୍ରସ୍ତ ହୋଇଛି (Rajaouri road accident) । ପୁଞ୍ଚରୁ ରଜୌରୀ ଅଭିମୁଖେ ଆସୁଥିବାବେଳେ, ଏକ ବସ୍ ଖାଇକୁ ଖସିଯିବାରୁ ୬ ଜଣଙ୍କ ମୃତ୍ୟୁ ଘଟିଛି । ଏଥିରେ ୨୫ ଜଣ ଗୁରୁତର ଆହତ ହୋଇଛନ୍ତି । ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
ରଜୌରୀରେ ଖାଇକୁ ଖସିଲା ବସ୍: 6 ମୃତ, 25 ଆହତ
ସୂଚନାଯୋଗ୍ୟ, ବସ୍ଟି ପୁଞ୍ଚରୁ ରଜୌରୀ ଆଡକୁ ଆସୁଥିଲା । ଏହି ସମୟରେ ମଞ୍ଜାକୋଟ ନିକଟରେ ଭାରସାମ୍ୟ ହରାଇ ଖାଇକୁ ଖସି ପଡିଥିଲା । ଏନେଇ ସୂଚନା ପାଇବା ମାତ୍ରେ ମଞ୍ଜାକୋଟ ପୋଲିସ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ବସ୍ ଯାତ୍ରୀମାନଙ୍କୁ ଉଦ୍ଧାର କରିଛି । ଦୁର୍ଘଟଣାରେ ଅନେକ ଗୁରୁତର ଆହତ ହୋଇଥିବାରୁ ଆଗକୁ ମୃତ୍ୟୁସଂଖ୍ୟା ବଢିବା ନେଇ ସନ୍ଦେହ କରାଯାଉଛି ।