ସିମଲା:ହିମାଚଳ ପ୍ରଦେଶରେ ଭୟଙ୍କର ପରିସ୍ଥିତି ସୃଷ୍ଟି ହୋଇଛି । ହିମାଚଳ ପ୍ରଦେଶରେ ବର୍ଷା ବିପତ୍ତି ଆଣିଛି । ପ୍ରକୃତି କୋପରେ ହିମାଚଳରେ ସ୍ଥିତି ଅଣାୟତ୍ତ ହୋଇଛି । ବାଦଲ ଫଟା ବର୍ଷାରେ 7 ଜଣଙ୍କର ମୃତ୍ୟୁ ହୋଇଛି । ସୋଲାନ ଜିଲ୍ଲା ଡାଡୋନ ଗାଁରେ ବାଦଲ ଫଟା ବର୍ଷାରେ 7 ଜଣଙ୍କର ମୃତ୍ୟୁ ହୋଇଥିବା ବେଳେ 3 ଜଣ ନିଖୋଜ ଅଛନ୍ତି । ଦୁଇଟି ଘର ଓ ଗୋଟିଏ ଗୁହାଳ ଧୋଇ ହୋଇ ଯାଇଛି । ଏ ନେଇ ଜିଲ୍ଲା ବିପର୍ଯ୍ୟୟ ପରିଚାଳନା ପକ୍ଷରୁ ସୂଚନା ମିଳିଛି । 7 ଜଣଙ୍କ ମୃତ୍ୟୁ ନେଇ ହିମାଚଳ ମୁଖ୍ୟମନ୍ତ୍ରୀ ସୁଖବିନ୍ଦର ସୁଖୁ ଶୋକ ପ୍ରକାଶ କରିଛନ୍ତି ।
ସୋଲାନ ଜିଲ୍ଲା ଖଣ୍ଡାଘାଟ ସବ ଡିଭିଜନ ଡାଡୋନ ଗାଁରେ ଭୟଙ୍କର ବାଦଲ ଫଟା ବର୍ଷା ହୋଇଥିଲା ଏଥିରେ 7 ଜଣଙ୍କର ମୃତ୍ୟୁ ହୋଇଥିବା ବେଳେ ଏବେ ବି 3 ଜଣ ନିଖୋଜ ଅଛନ୍ତି । ଦୁଇଟି ଘର ଏବଂ ଗୋଟିଏ ଗୁହାଳ ସମ୍ପୂର୍ଣ୍ଣ ଭାଙ୍ଗି ଯାଇଛି । ପ୍ରଥମେ 5 ଜଣଙ୍କର ମୃତ୍ୟୁ ରିପୋର୍ଟ ଆସି ଥିବା ବେଳେ ପରବର୍ତ୍ତୀ ସମୟରେ ଆଉ 2ଟି ମୃତଦେହ ଉଦ୍ଧାର ହୋଇଥିଲା । ପ୍ରକୃତି କୋପରେ 7ଜଣଙ୍କର ମୃତ୍ୟୁରେ ଶୋକ ପ୍ରକାଶ କରିଛନ୍ତି ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁ । କ୍ଷତିଗ୍ରସ୍ତ ପରିବାରକୁ ସମସ୍ତ ସମ୍ଭାବ୍ୟ ସହାୟତା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ ।