ଚଣ୍ଡିଗଡ:ଅଧାରେ ରହିଗଲା ଘର ବାହୁଡା । ବାହାଘର ଭୋଜିରୁ ଫେରୁଥିବା ବେଳେ ମର୍ମନ୍ତୁଦ ସଡକ ଦୁର୍ଘଟଣା । ଫେରୁଥିବା ବେଳେ ଅଟୋକୁ ଧକ୍କା ଦେଲା ବସ । ଫଳରେ ୫ଜଣଙ୍କ ମୃତ୍ୟୁ ସୂଚନା । ଆହତମାନଙ୍କୁ ଉଦ୍ଧାରକରି ପୋଲିସ ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛି ।
ଖବରଅନୁସାରେ, ଗତକାଲି(ଶୁକ୍ରବାର) ହରିୟାଣାରେ ମହାଶିବରାତ୍ରୀ ପୂର୍ବରୁ ମହାଅଘଟଣ ଘଟିଥିଲା । ସ୍କୁଲବସ- ଅଟୋ ପରସ୍ପର ଧକ୍କା ହୋଇଥିଲେ । ତେବେ ଦୁର୍ଘଟଣାର କାରଣ ସ୍ପଷ୍ଟ ହୋଇନଥିବା ବେଳେ ତଦନ୍ତ ଜାରି ରହିଥିବା ନେଇ ଡିଏସପି ପଲଓ୍ବାଲ କହିଛନ୍ତି । ଦୁର୍ଘଟଣାରେ ୫ଜଣଙ୍କ ମୃତ୍ୟୁ ହୋଇଥିବା ବେଳେ ୫ଜଣ ଆହତ ହୋଇଛନ୍ତି । ଗାଡିର ବେଗ ଅଧିକ ଥିବାରୁ ଭୟଙ୍କର ଦୁର୍ଘଟଣା ହୋଇଥିବା ନେଇ ସୂଚନା ଦିଆଯାଇଛି । ମୃତକଙ୍କ ମଧ୍ୟରେ ୩ଜଣ ମହିଳା ରହିଥିବା ବେଳେ ଆଉ ଦୁଇଜଣ ଶିଶୁ ରହିଥିବା କୁହାଯାଇଛି । ଦୁର୍ଘଟଣା ବିଷୟରେ ଖବର ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାରକରି ସ୍ଥାନୀୟ ହସ୍ପିଟାଲରେ ଭର୍ତ୍ତି କରିଛି । ଏହାସହ ମୃତକଙ୍କୁ ଉଦ୍ଧାର କରି ବ୍ୟବଚ୍ଛେଦ ପାଇଁ ହସ୍ପିଟାଲରେ ଭର୍ତ୍ତି କରିଛି । ତେବେ ଏହି ଘଟଣାରେ ପୋଲିସ ନିଜ ଆଡୁ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି ।