ଚେନ୍ନାଇ:ମଦୁରାଇର ବାଣ କାରଖାନାରେ ବିସ୍ଫୋରଣ । ତାମିଲନାଡୁ ମଦୁରାଇରେ ଏକ ବାଣ କାରଖାନାରେ ବିସ୍ଫୋରଣ ଘଟି ଅତିକମରେ 5ଜଣଙ୍କ ମୃତ୍ୟୁ ଘଟିଛି (explosion rocks firecracker factory in Madurai)। ଅନ୍ୟ ପ୍ରାୟ 10ଜଣରୁ ଅଧିକ ଆହତ ହୋଇଥିବା ନେଇ ସୂଚନା ମିଳିଛି । ଆଜି (ଗୁରୁବାର) ଅପରାହ୍ନରେ ଏହି ବିସ୍ଫୋରଣ ଘଟିଥିବା ସୂଚନା ମିଳିଛି । ମୃତକମାନେ ସମସ୍ତେ ଉକ୍ତ କାରଖାନାରେ ଶ୍ରମିକ ଭାବେ କାର୍ଯ୍ୟରତ ଥିବା ସୂଚନା ମିଳିଛି । ବିସ୍ଫୋରଣର କାରଣ ସମ୍ପର୍କରେ ବର୍ତ୍ତମାନ ସୁଦ୍ଧା କିଛି ସ୍ପଷ୍ଟ ହୋଇ ପାରିନାହିଁ ।
ସୂଚନା ଅନୁସାରେ ମଦୁରାଇ ସହର ଉପକଣ୍ଠ ଉସଲାମବତୀରେ ଥିବା ଏହି ବାଣ କାରଖାନାରେ ବିସ୍ଫୋରଣ ଘଟିଥିଲା । କୌଣସି କାରଣରୁ ଅଗ୍ନିକାଣ୍ଡ ଘଟିବା ପରେ ବିସ୍ଫୋରଣ ଘଟିଥିବା ସନ୍ଦେହ କରାଯାଉଛି । ଏଥିରେ 5ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ 10ଜଣ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି (explosion rocks firecracker factory in Madurai)।