ଓ୍ବାଶିଂଟନ: ଆମେରିକାର କାଲିଫର୍ଣ୍ଣିଆରେ ଅଜଣା ଆତତାୟୀଙ୍କ ଅତର୍କିତ ଗୁଳିମାଡରେ 6 ଜଣ ପ୍ରାଣ ହରାଇଥିବାବେଳେ 9ଜଣ ଆହତ ହୋଇଛନ୍ତି । ବର୍ତ୍ତମାନ ସୁଦ୍ଧା 6ଜଣଙ୍କ ମୃତ୍ୟୁ ହୋଇଥିବା ସ୍ଥାନୀୟ ପୋଲିସ ସୂତ୍ରରୁ ଆମେରିକୀୟ ଗଣମାଧ୍ୟମରେ ଖବର ପ୍ରସାରିତ ହୋଇଛି । ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି । ସମଗ୍ର କାଲିଫର୍ଣ୍ଣିଆରେ ହାଇଆଲର୍ଟ ଜାରି କରାଯାଇଛି ।
ସୂଚନା ଅନୁସାର, ସ୍ଥାନୀୟ ସମୟ ସକାଳେ ଏହି ଅଘଟଣ ଘଟିଥିବା ପୋଲିସ କହିଛି । ଆକ୍ରମଣ ସମୟର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗୁଳିମାଡ ଆରମ୍ଭ ହେବା ପରେ ଲୋକମାନେ ଭୟରେ ଏଣେତେଣେ ଧାଉଁଥିବା ଦେଖିବାକୁୁ ମିଳିଥିଲା ।