ବେଙ୍ଗାଲୁରୁ: କର୍ଣ୍ଣାଟକର ବେଙ୍ଗାଲୁରୁରେ ସିରିଜ ଦୁର୍ଘଟଣା । ଘଟଣାସ୍ଥଳରେ ଚାଲିଗଲା ୭ ଜଣଙ୍କ ଜୀବନ । ଆଜି ଅପରାହ୍ନରେ ବିଜୟନଗର ଜିଲ୍ଲା ଦେଇ ଯାଇଥିବା ୫୦ ନମ୍ବର ଜାତୀୟ ରାଜପଥରେ ଘଟିଛି ଏଭଳି ଭୟଙ୍କର ସିରିଜ ଦୁର୍ଘଟଣା । ପୋଲିସ ପକ୍ଷରୁ ମିଳିଥିବା ସୂଚନାନୁସାରେ, ଏହି ଦୁର୍ଘଟଣାରେ ଏକ କ୍ରୁଜର ସମ୍ପୂର୍ଣ୍ଣ ଭାବେ ଭାଙ୍ଗି ଯାଇଛି । ଏକ ଟ୍ରକର ସମ୍ମୁଖ ଭାଗ ମଧ୍ୟ ନଷ୍ଟ ହୋଇଯାଇଛି । ଅନ୍ୟ ଏକ ଟ୍ରକ ନିୟନ୍ତ୍ରଣ ହରାଇ ରାସ୍ତା କଡ଼ରେ ପଡ଼ିଯାଇଥିବା ଦେଖିବାକୁ ମିଳିଛି ।
ଏହି ଭୟଙ୍କର ଦୁର୍ଘଟଣାରେ ୭ ଜଣଙ୍କ ଜୀବନ ଯାଇଛି । ମୃତକମାନେ ହେଲେ ନାମ ଉମା, କେଞ୍ଚାଭା, ଭାଗ୍ୟା, ଅନିଲ, ଗୋନି ବସପ୍ପା, ଭୀମାଲିଙ୍ଗପ୍ପା ଏବଂ ହୋସାପେଟେ ସହରର ୟୁବରାଜ । ଏହି ଦୁର୍ଘଟଣାରେ ଆଉ କେତେକ ଲୋକ ଗୁରୁତର ଥିବା ଜଣାପଡିଛି । ତେବେ ମୃତ୍ୟୁ ସଂଖ୍ୟା ଆହୁରି ବଢିବାର ଆଶଙ୍କା ରହିଛି। ସୂଚନା ଅନୁସାରେ, ପରିବାରର ସଦସ୍ୟମାନେ ବିଜୟନଗର ଜିଲ୍ଲାର ହରପାନାହଲ୍ଲୀ ତାଲୁକରେ ଅବସ୍ଥିତ କୁଲାହାଲୀ ଗୋନିବାସଭେଶ୍ବର ମନ୍ଦିରକୁ ଯାଇଥିବା ସମୟରେ ଏଦି ଦୁର୍ଘଟଣାର ସମ୍ମୁଖୀନ ହୋଇଛନ୍ତି । ପରିବାର ସଦସ୍ୟମାନେ ଫେରୁଥିବାବେଳେ ୫୦ ନମ୍ବର ଜାତୀୟ ରାଜପଥରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ଅଧିକ ତଦନ୍ତ ଜାରି ରଖିଛି ।