ଗୁଜୁରାଟରେ କଂଗ୍ରେସ ଛାଡି ବିଜେପିରେ ସାମିଲ ହେଲେ ମୋହନ ସିଂ ରାଠୱା

ବିଧାନସଭା ନିର୍ବାଚନ ପୂର୍ବରୁ ଗୁଜୁରାଟ କଂଗ୍ରେସକୁ ବଡ ଝଟକା । ହାତ ଛାଡି ପଦ୍ମ ଧରିଲେ ବରିଷ୍ଠ ନେତା ମୋହନ ସିଂ ରାଠୱା । ୧୦ ଥର ବିଧାୟକ ଭାବେ ହୋଇଛନ୍ତି ନିର୍ବାଚିତ । ଅଧିକ ପଢନ୍ତୁ

ଅହମ୍ମଦାବାଦ: ଗୁଜୁରାଟ ବିଧାନସଭା ନିର୍ବାଚନ ପୂର୍ବରୁ କଂଗ୍ରେସକୁ ଏକ ବଡ ଝଟକା ଲାଗିଛି । ଦଳ ଛାଡି ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି ଦଳର ଅନ୍ୟତମ ବରିଷ୍ଠ ନେତା ମୋହନ ସିଂ ରାଠୱା । ସେ ତାଙ୍କ ଇସ୍ତଫାପତ୍ର ଗୁଜୁରାଟର କଂଗ୍ରେସ କମିଟି ସଭାପତି ଜଗଦୀଶ ଠାକୁରଙ୍କ ନିକଟରେ ଇସ୍ତଫା ଦେଇଥିଲେ । ତାର ମାତ୍ର କିଛି ଘଣ୍ଟା ପରେ ସେ ବିଦ୍ଧବଦ୍ଧ ଭାବେ ବିଜେପିରେ ସାମିଲ ହୋଇଛନ୍ତି ।

ମୋହନ ସିଂ ରାଠୱା ୧୦ ଥର ଜଣେ ବିଧାୟକ ଭାବେ ନିର୍ବାଚିତ ହୋଇଥିଲେ । ବର୍ତ୍ତମାନ ମଧ୍ୟ ସେ ଗୁଜୁରାଟର ଛୋଟା ଉଦୟପୁର ବିଧାନସଭା ଆସନରୁ ବିଧାୟକ ରହିଛନ୍ତି । ସେ ଗୁଜରାଟର ପ୍ରମୁଖ ଆଦିବାସୀ ନେତା ଭାବେ ମଧ୍ୟ ଜଣାଶୁଣା ।

ବ୍ୟୁରୋ ରିପୋର୍ଟ, ଇଟିଭି ଭାରତ