ମୁମ୍ବାଇ:ଖସୁଛି ସଂକ୍ରମଣ । ମହାରାଷ୍ଟ୍ରରେ କୋରୋନାର ଦ୍ବିତୀୟ ଲହର ସ୍ଥିତି ନିୟନ୍ତ୍ରଣାଧିନ ଥିବା କହିଛନ୍ତି ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ବୁଧବାର ଦିନ ମହାରାଷ୍ଟ୍ରର ନନ୍ଦୁରବର ଜିଲ୍ଲାରେ କୋରୋନା ସଂକ୍ରମିତ ସଂଖ୍ୟା ଶୂନ ରହିଥିବା ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଏନେଇ ଏକ ବିଜ୍ଞପ୍ତି ପ୍ରକାଶ ପାଇଛି । ଧୁଲେ, ୱାଶିମ୍, ୟାଭାଟମାଲ, ୱାର୍ଡ଼, ବାନ୍ଦ୍ରା, ଗୋଣ୍ଡିଆ ଭଳି ଜିଲ୍ଲାରେ 10ରୁ କମ ସକ୍ରିୟ ମାମଲା ରହିଛି । ପାର୍ବନୀ, ହିଙ୍ଗୋଲି, ନନ୍ଦେଡ, ଅମରାବତୀ, ଆକୋଲା, ବୁଲଡାନା, ଚନ୍ଦ୍ରପୁର ଓ ଗଡଚିରୋଲିରେ ବର୍ତ୍ତମାନ 100ରୁ କମ ସକ୍ରିୟ ମାମଲା ରହିଛି।
ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମଧ୍ୟ ଦଳର ବିଭିନ୍ନ ରାଜନୈତିକ ସମାବେଶକୁ ନେଇ ଉଦବେଗ ପ୍ରକାଶ କରିଛନ୍ତି । କ୍ୟାବିନେଟ ବୈଠକରେ ମୁଖ୍ୟମନ୍ତ୍ରୀ ନିବେଦନ କରିଛନ୍ତି ଯେ ଭିଡ଼କୁ ଏଡ଼ାଇବା ପାଇଁ ସମସ୍ତ ଦଳ ବିଭିନ୍ନ ପ୍ରକାର ସମାବେଶରୁ ଦୂରେଇ ରହିବା ଉଚିତ । କ୍ୟାବିନେଟ ବୈଠକ ପରେ ମୁଖ୍ୟମନ୍ତ୍ରୀ କାର୍ଯ୍ୟାଳୟରୁ ପ୍ରକାଶିତ ଏକ ବିବୃତ୍ତିରେ ଏହା ଦର୍ଶାଯାଇଛି ଯେ, କୋଭିଡ-19 ସଂକ୍ରମଣର ଦ୍ୱିତୀୟ ତରଙ୍ଗ ରାଜ୍ୟରେ ନିୟନ୍ତ୍ରଣକୁ ଆସିଛି । ଏବଂ ବିଭିନ୍ନ ପଦକ୍ଷେପ ଗ୍ରହଣ କରିବା ସହିତ ନାଗରିକଙ୍କ ସହଯୋଗ ହେତୁ ଏହା ସମ୍ଭବ ହୋଇଛି ବୋଲି ଏଥିରେ କୁହାଯାଇଛି ।