ଲକ୍ଷ୍ନୌ: ବାରାଣାସୀର ଜ୍ଞାନବ୍ୟାପୀ ମସଜିଦରେ ଜାରି ରହିଥିବା ଭିଡିଓଗ୍ରାଫି ସର୍ଭେକୁ ବିରୋଧ କରି ସର୍ବୋଚ୍ଚ କୋର୍ଟରେ ହୋଇଥିବା ମାମଲାର ଆସନ୍ତାକାଲି (ମଙ୍ଗଳବାର) ଶୁଣାଣି ହେବ । ଆହ୍ଲାବାଦ ଉଚ୍ଚନ୍ୟାୟାଳୟ ଏହି ମାମଲାରେ ହସ୍ତକ୍ଷେପ କରିବା ପାଇଁ ମନା କରିବା ପରେ ସର୍ବୋଚ୍ଚ କୋର୍ଟରେ ଦ୍ବରସ୍ଥ ହୋଇଛନ୍ତି ମୁସଲିମ ପକ୍ଷ । ଜଷ୍ଟିସ ଡି.ଓ୍ବାଇ ଚନ୍ଦ୍ରଚୂଡଙ୍କ ନେତୃତ୍ବାଧୀନ ଖଣ୍ଡପୀଠ ଏହି ମାମଲାର ଶୁଣାଣି କରିବେ । ଆଜି ତୃତୀୟ ଦିନର ସର୍ଭେ ଶେଷ ହେବା ପରେ ବାରାଣାସୀ କୋର୍ଟରେ ଭିଡିଓଗ୍ରାଫି ସର୍ଭେର ରିପୋର୍ଟ ମଧ୍ୟ ଦାଖଲ କରାଯାଇଛି ।
ତେବେ ମସଜିଦ ପରିସରରେ ଭିଡିଓଗ୍ରାଫିକୁ ପ୍ରଥମ ଦିନରୁ ବିରୋଧ କରିଆସୁଛନ୍ତି ମୁସଲିମ ପକ୍ଷ । ବାରାଣାସୀର ଅଞ୍ଜୁମାନିଆ ମସଜିଦ ପରିଚାଳନା କମିଟି ତଳ- କୋର୍ଟଙ୍କ ଦ୍ବାରା ପ୍ରଦତ୍ତ ଭିଡିଓ ସର୍ଭେ ନିର୍ଦ୍ଦେଶକୁ ଚ୍ୟାଲେଞ୍ଜ କରି ସର୍ବୋଚ୍ଚ କୋର୍ଟରେ ଏହି ମାମଲା ଦାଏର କରିଥିଲା ।