ଜୁବୈରଙ୍କୁ ସର୍ବୋଚ୍ଚ କୋର୍ଟରୁ ଆଶ୍ୱସ୍ତି, 20 ଯାଏଁ ଗିରଫ କରିପାରିବ ନାହିଁ ଉତ୍ତର ପ୍ରଦେଶ ପୋଲିସ

ଗିରଫ ସମ୍ବାଦିକ ମହମ୍ମଦ ଜୁବୈରଙ୍କୁ ସାମାନ୍ୟ ଆଶ୍ବସ୍ତି ଦେଲେ ସର୍ବୋଚ୍ଚ କୋର୍ଟ । 20 ତାରିଖ ଯାଏ କୌଣସି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ ନାହିଁ ଉତ୍ତର ପ୍ରଦେଶ ପୋଲିସ । 20 ରେ ପରବର୍ତ୍ତୀ ଶୁଣାଣି । ଅଧିକ ପଢନ୍ତୁ

ନୂଆଦିଲ୍ଲୀ: ଗିରଫ ସାମ୍ବାଦିକ ମହମ୍ମଦ ଜୁବୈରଙ୍କୁ ପୁଣି ସର୍ବୋଚ୍ଚ କୋର୍ଟରୁ ଆଶ୍ବସ୍ତି । ଜୁବୈରଙ୍କ ବିରୋଧରେ ଦାଏର ହୋଇଥିବା ଯେକୌଣସି ମାମଲାରେ 20 ତାରିଖ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନନେବା ପାଇଁ ଉତ୍ତର ପ୍ରଦେଶ ପୋଲିସକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ କୋର୍ଟ । ଜଷ୍ଟିସ ଡି.ଓ୍ବାଇ ଚନ୍ଦ୍ରଚୂଡ ଏବଂ ଏସ୍.ବୋପାନ୍ନାଙ୍କୁ ନେଇ ଗଠିତ ବେଞ୍ଚ ଆଜି (ସୋମବାର) ଜୁବେରଙ୍କ ଦ୍ବାରା ହୋଇଥିବା ଆବେଦନର ଶୁଣାଣି କରିବା ସହ ଉତ୍ତର ପ୍ରଦେଶ ପୋଲିସକୁ ଏହି ନିର୍ଦ୍ଦେଶ ଦେଇଛନ୍ତି ।

ମହମ୍ମଦ ଜୁବୈର ଉତ୍ତର ପ୍ରଦେଶରେ ତାଙ୍କ ବିରୋଧରେ ପଞ୍ଜୀକୃତ ହୋଇଥିବା ସମସ୍ତ ଏତଲା ରଦ୍ଦ ଏବଂ SIT ଗଠନକୁ ଚ୍ୟାଲେଞ୍ଜ କରି ସର୍ବୋଚ୍ଚ କୋର୍ଟର ଦ୍ବାରସ୍ଥ ହୋଇଥିଲେ । ତାଙ୍କୁ ଏହି ସବୁ ମାମଲାରେ ଅନ୍ତରୀଣ ସୁରକ୍ଷା ପାଇଁ ମଧ୍ୟ ଆବେଦନରେ ଦର୍ଶାଇଥିଲେ ଜୁବୈର । ତେବେ କୋର୍ଟ ତାଙ୍କୁ ସାମାନ୍ୟ ଆଶ୍ବସ୍ତି ଦେବା ସହ ଆଗାମୀ ଶୁଣାଣି 20 ତାରିଖକୁ ସ୍ଥିର କରିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ