ନୂଆଦିଲ୍ଲୀ: ସୁପ୍ରିମକୋର୍ଟ ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (AIIMS) ଗୋରଖପୁରକୁ 11 ଜଣ ପ୍ରଥମ ବର୍ଷର ଛାତ୍ରଙ୍କ ପାଇଁ ପରୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି । କୋଭିଡ-19 କାରଣରୁ ସେମାନଙ୍କ ଉପସ୍ଥାପନା କମ୍ ଥିଲା, ଏହି କାରଣରୁ ଏମ୍ସ ସେମାନଙ୍କୁ ପରୀକ୍ଷା ଦେବାରୁ ବଞ୍ଚିତ ରଖିଥିଲା ।
ଅଦାଲତ କହିଛନ୍ତି ଯେ ମହାମାରୀ ହେତୁ 11 ଜଣ ଛାତ୍ରଙ୍କ ଉପସ୍ଥାପନା କମ୍ ରହିଛି ତେଣୁ ସେମାନଙ୍କୁ ଏଥିପାଇଁ ପରୀକ୍ଷାରୁ ବାରଣ କରାଯାଇ ପାରିବ ନାହିଁ । ଏନେଇ କଲେଜ ବିବାଦ ଘେରକୁ ଆସିବାର କୌଣସି ଆବଶ୍ୟକତା ନାହିଁ । ଜଷ୍ଟିସ୍ ଏଲ୍ ନାଗେଶ୍ବର ରାଓ ଏବଂ ଜଷ୍ଟିସ୍ ରବିନ୍ଦ୍ର ଭଟଙ୍କୁ ନେଇ ଗଠିତ ଖଣ୍ଡପୀଠ ଛାତ୍ରଛାତ୍ରୀଙ୍କ ଏହି ଆବେଦନର ଶୁଣାଣି କରିଥିଲେ । ଏଥିରେ ଦର୍ଶାଯାଇଥିଲା ଯେ ସେମାନଙ୍କ ମଧ୍ୟରୁ କେତେକ ଦୁର୍ଗମ ଅଞ୍ଚଳର ତେଣୁ ଅନଲାଇନ୍ କ୍ଲାସରେ ଯୋଗ ଦେଇପାରିନଥିଲେ ।