ମୁମ୍ବାଇ: ସୋସିଆଲ ମିଡି଼ଆ ଜିଆଣ୍ଟ୍ସ ତଥା Google, Facebook ଓ Twitter ବିରୋଧରେ କୋର୍ଟକୁ ଗଲେ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ (NCB)ର ଜୋନାଲ ନିର୍ଦ୍ଦେଶକ ସମୀର ୱାଙ୍ଖଡେ । ଏହି ପ୍ଲାଟଫର୍ମରେ ତାଙ୍କ ସମ୍ମାନକୁ ହାନି କରିବା ଭଳି ଖବରଗୁଡ଼ିକ ପ୍ରକାଶ କରୁଛି ବୋଲି ସେ ଅଭିଯୋଗ କରିଛନ୍ତି । ଏହି ଖବରଗୁଡ଼ିକୁ ହଟାଇବା ପାଇଁ ସମୀର ଓ ତାଙ୍କ ପତ୍ନୀ ଦାବି କରି ଦିନ୍ଦୋସି ସିଟି ସିଭିଲ କୋର୍ଟର ଦ୍ବାରସ୍ଥ ହୋଇଥିବା ଜଣାପଡ଼ିଛି ।
ଏହା ବି ପଢନ୍ତୁ: ସମୀର ୱାଙ୍ଖଡେ ଲାଞ୍ଚ ମାମଲା, ତଦନ୍ତ ନେତୃତ୍ବ ନେବେ ACP ମିଲିନ୍ଦ ଖେତଲେ
ୱାଙ୍ଖଡେ ଦମ୍ପତି ସେମାନଙ୍କ ସମ୍ମାନ କ୍ଷୁଣ୍ଣ ହେବା ଭଳି ଖବରଗୁଡ଼ିକୁ ସ୍ଥାୟୀ ଭାବରେ ହଟାଇବା ପାଇଁ ଦାବି କରିଛନ୍ତି । ସୂଚନା ପ୍ରଯୁକ୍ତିବିଦ୍ୟା ଆକ୍ଟ(Information Technology Act)ର ଧାରା ୭୯ ଅନୁଯାୟୀ ଏହି ଅଭିଯୋଗ କରିଥିବା ଜଣାପଡ଼ିଛି । ତେବେ ସୂଚନା ଥାଉ କି ବହୁ ଚର୍ଚ୍ଚିତ ମୁମ୍ବାଇ କ୍ରୃଜ ପାର୍ଟିରେ ଚଢାଉ କରି ଡ୍ରଗ୍ସ ମାମଲାରେ ବଲିଉଡ ସେଲିବ୍ରେଟିଙ୍କ ପୁଅ ଓ ଝିଅଙ୍କୁ ଗିରଫ କରିଥିଲେ ଏନସିବି ଅଫିସର ସମୀର ୱାଙ୍ଖଡେ । ରାତାରାତି ସାରା ଦେଶରେ ଚର୍ଚ୍ଚାର ପରିସରକୁ ଆସିଥିଲେ ସମୀର ୱାଙ୍ଖଡେ । ତେବେ ବଲିଉଡ ଷ୍ଟାରଙ୍କ ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଗିରଫ ହେବା ପରେ ଏନସିବି ଅଫିସରକୁ ନେଇ ପ୍ରଶ୍ନ ଉଠାଇଥିଲେ ।