ବେଙ୍ଗାଲୁରୁ: କର୍ଣ୍ଣାଟକରେ ଡ୍ରଗ୍ସ କାରବାର ଉପରେ କଟକଣା ଲାଗିବା ପରେ ବି ଚୋରାରେ ଚାଲିଛି ଡ୍ରଗ୍ସ କାରବାର । ରବିବାର ପୋଲିସ ଡ୍ରଗ୍ସ କାରବାର ନେଇ ତିନିଜଣଙ୍କୁ ଗିରଫ କରିଛି । ସେମାନଙ୍କଠାରୁ 24ଲକ୍ଷ ମୂଲ୍ୟର ନିଶା ସାମଗ୍ରୀ ଜବତ ହୋଇଥିବା କହିଛି ବେଙ୍ଗାଲୁରୁ ପୋଲିସ ।
ଚୋରାରେ ନିଶା ଦ୍ରବ୍ୟ କାରବାର କରିବା ମହଙ୍ଗା ପଡିଲା । ଘଟଣାରେ ଦୁଇ ଏଜେଣ୍ଟ ରୋହିତ ରାମ ଓ ଆୟୁଷ ପାଣ୍ଡେଙ୍କ ସମେତ ଜଣେ ଡେଲିଭରି ବୟ ନୁର ଅଲ୍ଲୀଙ୍କୁ ଗିରଫ କରାଯାଇ 14ଦିନିଆ ନ୍ୟାୟିକ ହେପାଜତରେ ନିଆଯାଇଥିବା କହିଛନ୍ତି ବେଙ୍ଗାଲୁରୁ ଦକ୍ଷିଣ-ପୂର୍ବ ପୋଲିସ କମିଶନର ସୁଧୀର ହେଗଡେ ।