ନୂଆଦିଲ୍ଲୀ: ଇଣ୍ଡିଗୋ ଏୟାରଲାଇନ୍ସରେ ଚରମ ଅମାନବିକତା ସାମ୍ନାକୁ ଆସିଛି । ଦିବ୍ୟାଙ୍ଗ ନାବାଳକଙ୍କୁ ବିମାନରେ ଯାତ୍ରା ପାଇଁ ଅନୁମତି ଦେଲାନି ଇଣ୍ଡିଗୋ(Indigo) ଏୟାରଲାଇନ୍ସ । ଏ ଘଟଣାକୁ ଦୃଢ ନିନ୍ଦା କରିଛନ୍ତି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ । ତଦନ୍ତ ସହିତ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ।
ଘଟଣାକୁ ନିନ୍ଦା କରି ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି, "ଏପରି ଅଚରଣ କୌଣସି ମତ୍ତେ ଗ୍ରହଣୀୟ ନୁହେଁ । କୌଣସି ମଣିଷକୁ ଏପରି ସମସ୍ୟାରେ ସମ୍ମୁଖୀନ ହେବା ଅନୁଚିତ ।" ସେ ଟ୍ବିଟରରେ ଲେଖିଛନ୍ତି, "ମୁଁ ନିଜେ ଏହି ଘଟଣାର ତଦନ୍ତ କରୁଛି, ଉପଯୁକ୍ତ ତଦନ୍ତ ସହ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।" ବିମାନ ଚଳାଚଳ ନିୟନ୍ତ୍ରକ ନିର୍ଦ୍ଦେଶାଳୟ ଜେନେରାଲ୍ ଅଫ୍ ସିଭିଲ୍ ଆଭିଏସନ୍ (ଡିଜିସିଏ) ମଧ୍ୟ ଇଣ୍ଡିଗୋକୁ ଏ ନେଇ ରିପୋର୍ଟ ତଲବ କରିଛନ୍ତି ସିନ୍ଧିଆ । ରାଞ୍ଚି ବିମାନବନ୍ଦରରେ ଏପରି ଘଟଣା ଭାଇରାଲ ହେବା ପରେ କାର୍ଯ୍ୟାନୁଷ୍ଠାନ ନିଆଯିବାକୁ କହିଛନ୍ତି ବିମାନ ଚଳାଚଳ ମନ୍ତ୍ରୀ ।