ହାଇଦ୍ରାବାଦ: ଗାଁ କୋଣରେ ଲୁକାୟିତ ପ୍ରତିଭାକୁ ସାମ୍ନାକୁ ଆଣୁଛି ପାଲେ ସୃଜନ ସଙ୍ଗଠନ । ଗ୍ରାମୀଣ ଉଦ୍ଭାବକଙ୍କ ମୂଳଦୁଆ ସାଜି ଏହା ସ୍ଥିରତା ଓ ସମାନତା ଲକ୍ଷ୍ୟ ସହ ହୋଇଛି ଛିଡା । ଜାତିର ପିତା ମହାତ୍ମା ଗାନ୍ଧୀଙ୍କ ପ୍ରେରଣାରେ ଏହି ସଙ୍ଗଠନର ପରିଚାଳନା କରାଯାଉଥିଲା ବେଳେ ଏହାର ଲକ୍ଷ୍ୟ ହେଉଛି ଗ୍ରାମୀଣ ଭାରତକୁ ଆର୍ଥିକ ଭାବେ ମଜବୁତ କରିବା । ଗାଁର ଆର୍ଥିକ ମେରୁଦଣ୍ଡକୁ ସୁଦୃଢ ଓ ଦୀର୍ଘଦିନ ଧରି ସୁସ୍ଥ ରଖିବା ଉଦ୍ଦେଶ୍ୟରେ ଅବସରପ୍ରାପ୍ତ ବ୍ରିଗେଡର ପୋଗୁଲ ଗଣେଶମ ଏହି ସଙ୍ଗଠନର କରିଥିଲେ ସ୍ଥାପନା । ଚାଷ ସମୟରେ କ୍ଷତି ସଙ୍କଟରୁ ଯେପରି ଚାଷୀ ବଞ୍ଚିବ, ସେଥିପାଇଁ କୃଷି ଓ ଆନୁସଙ୍ଗିକ କ୍ଷେତ୍ରରେ ନିବେଶ ଖର୍ଚ୍ଚ କମ କରିବାକୁ ସେ ଦେଉଛନ୍ତି ଗୁରୁତ୍ବ । ଏଇଥିପାଇଁ ସେ କୃଷକ ସମୁଦାୟକୁ ପ୍ରଯୁକ୍ତିବିଦ୍ୟା , ଆଧୁନିକ ମେସିନ ଓ ଉପକରଣ ମୁହାଁ କରିବା ପାଇଁ ଇଚ୍ଛୁକ । ଏଣୁ ସେ ସମସ୍ତ ପ୍ରକାର କାରିଗରୀ , କୃଷକ ଓ ଶ୍ରମିକଙ୍କୁ ଭେଟିବା ପାଇଁ ଦୂର-ଦୂରାନ୍ତର ଯାତ୍ରା କରିଛନ୍ତି । ଏଭଳି ଭାବେ ଗଣେଶମ ଅନେକ ଗ୍ରାମୀଣ ଉଦ୍ଭାବକଙ୍କ ସନ୍ଧାନ କରି ପାଲେ ସୃଜନ ପ୍ଲାର୍ଟଫର୍ମ ଜରିଆରେ ଆଣିଛନ୍ତି ଲୋକଲୋଚନକୁ ।
ପାଲେ ସୃଜନ ସଙ୍ଗଠନ ସହ 5 ହଜାରରୁ ଅଧିକ ସ୍ବଂୟସେବକ ଜଡିତ ଅଛନ୍ତି । ଗତ 15 ବର୍ଷରେ 2 ହଜାର ଗ୍ରାମୀଣ ଉଦ୍ଭାବକଙ୍କୁ ଏହି ପ୍ଲାର୍ଟଫର୍ମ ଜରିଆରେ ସାମ୍ନାକୁ ଅଣାଯାଇଛି । ଆଉ ଏହି ସ୍ବଂୟସେବକଙ୍କ ସହଯୋଗରେ ପ୍ରାୟ 200 ନୂଆ ଇନୋଭେସନକୁ କାର୍ଯ୍ୟକାରୀ କରାଯାଇଛି, ଯେଉଁଥିରେ 25ଜଣଙ୍କୁ ଆବିଷ୍କାରର ପୂର୍ଣ୍ଣ ଅଧିକାର ପତ୍ର ଦିଆଯାଇଛି । ଏଥିରେ କିଛି ନୂଆ ଇନୋଭେସନକୁ ରାଜ୍ୟ, ଜାତୀୟ ଓ ଅନ୍ତରାଷ୍ଟ୍ରୀୟ ସ୍ତରରେ ପୁରସ୍କାର ଓ ପ୍ରଂଶସା ପତ୍ର ମଧ୍ୟ ପ୍ରଦାନ ହୋଇଛି ।
ମାହିପାଳ କୃଷି ଉପକରଣ, ସ୍କୁଟର ଇଞ୍ଜିନରେ ଚାଳିତ 2 ଫୁଟ weeder, ବହୁ ଉଦ୍ଦେଶ୍ୟ seed gorru, ବୁମ୍ ସ୍ପ୍ରେର୍, ବଣୁଆ ଘୁଷୁରୀ ପ୍ରତିରୋଧକ ଆଲାର୍ମ, ଶୀଘ୍ର ଚାରା ରୋପଣକାରୀ ମେସିନ , ପଶୁ ଖତରୁ ପ୍ରସ୍ତୁତ ହାଣ୍ଡି, କାଠ, logs, ବିଲୋପ ପାଇଁ ମୂଳ ଔଷଧ, ସାଇକେଲ୍ ହଳ | କ୍ଷେତ ହଳ ପାଇଁ ସାଇକେଲ , ନଡିଆ ଗଛ ଉପରେ ଚଢିବା ପାଇଁ ଗାଡି, ରୁମ୍ ଏୟାର କ୍ଲିନର୍, ବଡ କୁଲର୍, ଗାଇ କ୍ଷୀର ଦେବା ମେସିନ୍, ଇଲେକ୍ଟ୍ରିକ୍ ୱାଟର କୁଲର୍, ପଙ୍କଚର୍ ହେଉନଥିବା ମୋଟରସାଇକେଲ୍ ଟ୍ୟୁବ ଇତ୍ୟାଦି ପାଲେ ସୃଜନ ପ୍ଲାର୍ଟଫର୍ମ ଜରିଆରେ ସର୍ବସମ୍ମୁଖକୁ ଅଣାଯାଉଛି ।