ହାଇଦ୍ରାବାଦ:ଆଉ ଦିନକ ପରେ ବିଦାୟ ନେବ ବର୍ଷ ୨୦୨୩ । ନୂଆ ଆଶା ଓ ଉଦ୍ଦୀପନା ନେଇ ଆସୁଛି 'ନୂଆବର୍ଷ ୨୦୨୪' । ବର୍ଷ ୨୦୨୩କୁ ସ୍ମୃତି କରି ବିଶ୍ବବାସୀ ନୂଆବର୍ଷରେ ପାଦ ଥାପିବେ । ନୂତନ ବର୍ଷକୁ ସେଲିବ୍ରେଟ କରିବା ପାଇଁ ଯୁବପିଢିଙ୍କଠାରୁ ଆରମ୍ଭ କରି ପ୍ରତ୍ୟେକଙ୍କ ମଧ୍ୟରେ ପ୍ରବଳ ଉତ୍ସାହ । ଏଥିଲାଗି ପର୍ଯ୍ୟଟକଙ୍କ ପାଇଁ ବମ୍ଫର ଅଫର ଆଣିଛି ବିଶ୍ବର ସର୍ବବୃହତ ଫିଲ୍ମସିଟି ରାମୋଜି । ୨୦୨୩ର ଶେଷ ଦିନ ୩୧ ତାରିଖ ରାତିରେ ନୂଆବର୍ଷକୁ ସ୍ବାଗତ କରିବା ଲାଗି ନାଚଗୀତ, ମନୋରଞ୍ଜନ, ସୁସ୍ବାଦୁ ଖାଦ୍ୟର ଆୟୋଜନ କରାଯାଇଛି ।
ଆପଣ ରେଡ୍ ଭେଲଭେଟ୍ ଓ ଥ୍ରିଲ୍ ବ୍ଲାଷ୍ଟ ପାର୍ଟିରେ ଅଂଶଗ୍ରହଣ କରି ନୂତନ ବର୍ଷକୁ ସ୍ବାଗତ କରିପାରିବେ । ଆପଣ ନିଜ ପସନ୍ଦର ପାର୍ଟିକୁ ବାଛନ୍ତୁ ଓ ଭରପୂର ଆନନ୍ଦର ସହିତ ଏହି ନୂଆବର୍ଷକୁ ଉପଭୋଗ କରନ୍ତୁ । ରାମୋଜି ଫିଲ୍ମ ସିଟିରେ ରାତ୍ରିଯାପନ ପାଇଁ ମଧ୍ୟ ପର୍ଯ୍ୟଟକଙ୍କ ଲାଗି ସ୍ବତନ୍ତ୍ର ହଲିଡେ' ପ୍ୟାକେଜ ଉପଲବ୍ଧ ।
ସନ୍ ଫାଉଣ୍ଟେନଠାରେ ରେଡ ଭେଲଭେଟ ପାର୍ଟି:-ନୂତନ ବର୍ଷ ସେଲିବ୍ରେସନର ଏକ ଅଂଶ ଭାବରେ ପର୍ଯ୍ୟଟକମାନେ ଲାଇଭ୍ ମ୍ୟୁଜିକ୍ କନ୍ସର୍ଟ, ବଲିଉଡ ଡ୍ୟାନ୍ସ, ଡିଜେ, ଅନ୍ତର୍ଜାତୀୟ ଷ୍ଟଣ୍ଟ, ଫାୟାର ଆକ୍ଟ ଏବଂ ଷ୍ଟାଣ୍ଡ ଅପ୍ କମେଡି ସହିତ ଅନେକ ମନୋରଞ୍ଜନ କାର୍ଯ୍ୟକ୍ରମକୁ ଉପଭୋଗ କରିପାରିବେ । ଏହି ଉତ୍ସବକୁ ଆହୁରି ସ୍ମରଣୀୟ କରିବା ଲାଗି ଏକ ସୁନ୍ଦର ବଫେଟ୍ ରାତ୍ରି ଭୋଜନ ଏବଂ ଅନଲିମିଟେଡ ପାନୀୟର ବ୍ୟବସ୍ଥା ରହିଛି । ରେଡ୍ ଭେଲଭେଟ ପାର୍ଟିକୁ ଚୟନ କରୁଥିବା ପର୍ଯ୍ୟଟକମାନେ ସକାଳେ ଫିଲ୍ମ ସିଟି ପରିଦର୍ଶନ କରି ୱାର୍ଲ୍ଡ ସିନେମା ପରିଦର୍ଶନ କରିପାରିବେ । ଏହାସହ ପର୍ଯ୍ୟଟକ ସ୍ବତନ୍ତ୍ର ମନୋରଞ୍ଜନ କାର୍ଯ୍ୟକ୍ରମ, ଲାଇଭ୍ ସୋ, ରାଇଡ୍, ପ୍ରାକୃତିକ ପରିବେଶରେ ଥିବା ଏକ ବାର୍ଡ ପାର୍କ ଏବଂ ବଟରଫ୍ଲାଏ ଫରେଷ୍ଟର ପରିଦର୍ଶନ କରିପାରିବେ ।