ନୂଆଦିଲ୍ଲୀ: ମୋଦିଙ୍କ ସାଙ୍ଗିଆ ବ୍ୟବହାର କରି ସମୋଲୋଚକ ମନ୍ତବ୍ୟ ପାଇଁ ସୁରଟ କୋର୍ଟ ରାହୁଲ ଗାନ୍ଧୀଙ୍କୁ ଦୋଷୀ ସାବ୍ୟସ୍ତ କରିବା ପରେ ଆରମ୍ଭ ହୋଇଛି ରାଜନୀତି । ଏକାଧିକ ପାର୍ଟିର ନେତା ଏହି ଘଟଣାକୁ କଡା ସମାଲୋଚନା କରିଥିବା ବେଳେ କଂଗ୍ରେସ ନେତା ଏହାକୁ ବିରୋଧ କରିଛନ୍ତି । ଏହାରି ଭିତରେ ପ୍ରଧାନମନ୍ତ୍ରୀଙ୍କୁ ମୋଦିଙ୍କୁ ଟାର୍ଗେଟ କରିଛନ୍ତି କଂଗ୍ରେସ ନେତ୍ରୀ ରେଣୁକା ଚୌଧୁରୀ । ସେ ଗତକାଲି(ଗୁରୁବାର) ମୋଦିଙ୍କୁ ଟାର୍ଗେଟ କରି ଏକ ଟ୍ବିଟ ଲେଖିଛନ୍ତି । ସଂସଦରେ ତାଙ୍କୁ ସୃର୍ପଣଖା ଆକ୍ଷେପ କରି କହିଥିବା କମେଣ୍ଟକୁ ନେଇ ସେ ମୋଦିଙ୍କ ବିରୋଧରେ ମାନହାନୀ ମାମଲା ଦାୟର କରିବେ ବୋଲି କହିଛନ୍ତି ।
ସଂସଦରେ ମୋଦି ସୃପନେଖା ଉପରେ କମେଣ୍ଟ କରିଥିବା ଭିଡିଓକୁ ଟ୍ବିଟ କରି ଲେଖିଛନ୍ତି, " ଦେଖିବା ଏବେ ଅଦାଲତ କେତେ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବ । "ମୋଦି ରାଜ୍ୟସଭା ଅଧ୍ୟକ୍ଷକଙ୍କୁ ରେଣୁକାଙ୍କ ହସ ଉପରେ କିଛି ନକହିବା ପାଇଁ କହିଥିଲେ । ଅନେକ ବର୍ଷ ପରେ ରାମାୟଣ ସିରିଏଲ ପରେ ଏଭଳି ହସ ଦେଖିବାକୁ ମିଳିଥିବା ନେଇ ମୋଦି କହିଥିଲେ ।
ସୃର୍ପଣଖା ବୋଲି କମେଣ୍ଟ କରିଥିଲେ ମୋଦି: କଂଗ୍ରେସ ନେତ୍ରୀ କହିଛନ୍ତି, "ପ୍ରଧାନମନ୍ତ୍ରୀ ମୋଦି ଜଣେ ବୁଦ୍ଧିହୀନ । ସେଥିପାଇଁ ସେ ମୋତେ ସୃର୍ପଣଖା ବୋଲି କହିଥିଲେ । ମୁଁ ଏନେଇ ମୋଦିଙ୍କ ବିରୋଧରେ ମାନହାନୀ ମକଦ୍ଦମା ଦାୟର କରିବି । ଏବେ ଦେଖିବା କୋର୍ଟ କେତେ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି । " ରାହୁଲ ଗାନ୍ଧୀଙ୍କୁ ୨୦୧୯ ମସିହାରେ ମାନହାନୀ ମାମଲାରେ ଦୋଷୀ ସାବ୍ୟସ୍ତ କରିବା ପରେ ଏଭଳି ଟ୍ବିଟ କରିଛନ୍ତି କଂଗ୍ରେସ ନେତ୍ରୀ ରେଣୁକା ଚୌଧୁରୀ ।