ମୁମ୍ବାଇ: ମହାରାଷ୍ଟ୍ର ନବନିର୍ମାଣ ସେନା ପକ୍ଷରୁ ମସଜିଦର ଲାଉଡ ସ୍ପିକରର ଉଚ୍ଚ ସ୍ବରକୁ ବିରୋଧ କରାଯାଇଛି । ଏମଏନଏସ ମୁଖ୍ୟ ରାଜ ଠାକରେ ମସଜିଦରେ ଲାଉଡସ୍ପିକର ବନ୍ଦ କରିବାକୁ ମହାରାଷ୍ଟ୍ର ସରକାରଙ୍କୁ ଦାବି କରିଛନ୍ତି । ଗତ ଶନିବାର ରାଜ ଠାକରେ ଦଳୀୟ କର୍ମକର୍ତ୍ତାକୁ ସମ୍ବୋଧିତ କରୁଥିବା ବେଳେ ମସଜିଦରୁ ଲାଉଡ ସ୍ପିକର ହଟାଇବାକୁ କହିଥିଲେ।
ସେ କହିଛନ୍ତି, ମୁଁ ପ୍ରାର୍ଥନା କିମ୍ବା କୌଣସି ନିର୍ଦ୍ଦିଷ୍ଟ ଧର୍ମର ବିରୋଧୀ ନୁହେଁ । କିନ୍ତୁ ନିଜ ଘରେ ବସି ପ୍ରାର୍ଥନା କରନ୍ତୁ, ତେଣୁ ସରକାର ଏଥି ପ୍ରତି ଦୃଷ୍ଟି ଦେଇ ଲାଉଡ ସ୍ପିକରକୁ ବନ୍ଦ କରିବା ଉଚିତ। ଯଦି ଏହାକୁ ବନ୍ଦ କରାନଯାଏ ତେବେ ମସଜିଦ ଆଗରେ ହନୁମାନ ଚାଳିଶା ଲଗାଇବାକୁ ରାଜ ଠାକରେ ଚେତାବନୀ ଦେଇଛନ୍ତି ।