ଭୋପାଳ:ଦେଶରେ କୋରୋନା ସଂକ୍ରମଣ କ୍ଷିପ୍ର ଗତିରେ ବୃ୍ଦ୍ଧି ପାଇବା ଫଳରେ ଦୈନିକ ହଜାର ହଜାର ଲୋକ ମହାମାରୀରେ ଆକ୍ରାନ୍ତ ହେଉଛନ୍ତି । ପ୍ରତିଦିନ ଏତେ ସଂଖ୍ୟାରେ ଆକ୍ରାନ୍ତ ଚିହ୍ନଟ ହେବା ପରେ ସେମାନଙ୍କ ଚିକିତ୍ସା ଲାଗି ଅଭାବ ପଡୁଛି ଅମ୍ଳଜାନ । ତେବେ ଏହି ଅମ୍ଳଜାନ ଅଭାବକୁ ଲକ୍ଷ୍ୟ କରି ରିଲାଏନ୍ସ ଗ୍ରୁପ ଇନ୍ଦୋରକୁ 30 ଟନ ମେଡିକାଲ ଅମ୍ଳଜାନ ଯୋଗାଇଥିବା ସୂଚନା ମିଳିଛି ।
ରିଲାଏନ୍ସ ଗ୍ରୁପର ଗୁଜୁରଟାର ଜାମନଗରରେ ଥିବା ପ୍ଲାଣ୍ଟରୁ ଏକ ଟ୍ୟାଙ୍କର ଯୋଗେ 30 ଟନ ମେଡିକାଲ ଅମ୍ଳଜାନ ଗ୍ୟାସକୁ ଇନ୍ଦୋରକୁ ପଠାଇଛି । ତେବେ ଏହି ଅମ୍ଳଜାନ ଗ୍ୟାସ ଗୁଡିକ ସହରରେ ଅମ୍ଳଜାନ ଅଭାବ ଥିବା ହସ୍ପିଟାଲକୁ ପ୍ରଦାନ କରାଯାଇଛି । ଶନିବାର ରାତି ପ୍ରାୟ 10ଟା ସମୟରେ ଚନ୍ଦନ ନଗରର ଧାର ରୋଡ ନିକଟରେ ବିଜେପି ନେତା ତଥା ମନ୍ତ୍ର୍ରୀ ତୁଲସୀ ସିଲାବତ ଓ ନଗର ସଭାପତି ଗୌରବ ରନାଦିଭେ ଏହାକୁ ସ୍ବାଗତ କରିଥିଲେ । ରିଲାଏନ୍ସ ଗ୍ରୁପ ଯୋଗାଇଥିବା ଏହି ଅମ୍ଳଜାନ ସହର ପାଇଁ ଉପଯୋଗୀ ବୋଲି ସିଲାବତ କହିଛନ୍ତି । ଏହି ମେଡିକାଲ ଅମ୍ଳଜାନ ଟ୍ୟାଙ୍କର ସହରବାସୀଙ୍କ ପାଇଁ ଲାଇଫ ଲାଇନ ଭାବେ ଆସିଛି ବୋଲି ରନାଦିଭେ କହିଛନ୍ତି ।