ଅହମ୍ମଦାବାଦ:ସେ ଜଗତର ନାଥ ଜଗନ୍ନାଥ । ଭକ୍ତ ଜନଙ୍କ ପ୍ରାଣ । ତାଙ୍କୁ ଲୀଳା ଅପାର । ବିଶ୍ବ ପ୍ରସିଦ୍ଧ ରଥଯାତ୍ରାରେ ରଥରେ ବିଜେ କରି ଭକ୍ତଙ୍କୁ ଦର୍ଶନ ଦିଅନ୍ତି କାଳିଆ ଠାକୁର । ଖାଲି ପୁରୀ ନୁହେଁ ସୂଦୁର ଗୁଜୁରାଟ ଅହମ୍ମଦାବାଦରେ ବି କାଳିଆ ଠାକୁରର ଏହି ଦିନଟିକୁ ପାଳନ କରାଯାଇଛି ।
ସୁରକ୍ଷା ବଳୟ ଭିତରେ ଅହମ୍ମଦାବାଦରେ ରଥଯାତ୍ରା ପାଳନ ହୋଇଛି । ମନ୍ଦିର ଚାରି ପାଖରେ କଡା ସୁରକ୍ଷା ବ୍ୟବସ୍ଥା କରାଯାଇଛି । ଆଜି ସକାଳୁ ସକାଳୁ କାଳିଆକୁ ବେନି ନୟନେ ଦର୍ଶନ କରିବାକୁ ମନ୍ଦିର ପାଖରେ ଶ୍ରଦ୍ଧାଳୁଙ୍କ ଭିଡ ଲାଗିଛି ।