ନୂଆଦିଲ୍ଲୀ: ମଙ୍ଗଳବାର ଲଣ୍ଡନ ଅଭିମୁଖେ ଯାତ୍ରା କରିବା ପାଇଁ ବିମାନରେ ବୋର୍ଡିଂ କରିବାକୁ ଯାଉଥିବା ସାମ୍ବାଦିକା ରାଣା ଆୟୁବଙ୍କୁ ରୋକାଯିବା ଘଟଣାରେ ରାଣା ନ୍ୟାୟାଳୟର ଦ୍ବାରସ୍ଥ ହୋଇଛନ୍ତି । ଦିଲ୍ଲୀ ନ୍ୟାୟାଳୟର ଦ୍ବାରସ୍ଥ ହୋଇ ସେ ବିଦେଶ ଯାତ୍ରା ଉପରେ ତାଙ୍କ ବିରୋଧରେ ଜାରି ରହିଥିବା କଟକଣା ହଟାଇବା ପାଇଁ ଆବେଦନ କରିଛନ୍ତି ।
ଆୟୁବ ମଙ୍ଗଳବାର ଲଣ୍ଡନ ଯାତ୍ରା କରିବା ପାଇଁ ମୁମ୍ବାଇ ବିମାନବନ୍ଦରରେ ପହଞ୍ଚିଥିଲେ । ଫ୍ଲାଇଟରେ ବୋର୍ଡିଂ କରିବା ପୂର୍ବରୁ ତାଙ୍କୁ ଇମିଗ୍ରସନ ଅଧିକାରୀଙ୍କ ପକ୍ଷରୁ ବାରଣ କରାଯାଇଥିଲା । ପରେ ସେ ତଦନ୍ତ ପରିସରରେ ଥିବାରୁ ବିଦେଶ ଯାତ୍ରା କରିପାରିବେ ନାହିଁ ବୋଲି କୁହାଯାଇଥିଲା ।