ଚଣ୍ଡିଗଡ: ଚାଷୀ ଆନ୍ଦୋଳନ ସାରା ଦେଶରେ ବ୍ୟାପି ସାରିଲାଣି ବୋଲି କୃଷକ ନେତା ରାକେଶ ଟିକାୟତ କହିଛନ୍ତି । ଦେଶର ବିଭିନ୍ନ ଅଞ୍ଚଳରେ ମହାପଞ୍ଚାୟତ ଆୟୋଜନ କରାଯାଉଛି ଏବଂ ନୂତନ କୃଷି ଆଇନକୁ ବିରୋଧ କରାଯାଉଛି ।
ସାରା ଦେଶରେ ବ୍ୟାପିଲାଣି କୃଷକ ଆନ୍ଦୋଳନ ଆୟୋଜନ ହେଉଛି କୃଷକ ମହାପଞ୍ଚାୟତ
ରବିବାର ହରିୟାଣାର ଇନ୍ଦ୍ରୀ କର୍ଣ୍ଣାଲରେ କୃଷକ ମହାପଞ୍ଚାୟତରେ ଭାରତ କିଷାନ ୟୁନିୟନ ନେତା ତଥା ମୁଖପାତ୍ର ରାକେଶ ଟିକାୟତ ଯୋଗ ଦେଇଥିଲେ । ଏହି ଅବସରରେ ଇଟିଭି ଭାରତ ସହିତ କଥାବାର୍ତ୍ତାବେଳେ କହିଛନ୍ତି ଯେ ଚାଷୀ ଆନ୍ଦୋଳନ ସାରା ଦେଶରେ ବ୍ୟାପି ସାରିଲାଣି । ଦେଶର ବିଭିନ୍ନ ଅଞ୍ଚଳରେ କୃଷକ ମହାପଞ୍ଚାୟତ ଆୟୋଜନ କରାଯାଉଛି । ଏହି ମହାପଞ୍ଚାୟତରେ ବହୁ ପରିମାଣରେ ଚାଷୀ ତଥା ଲୋକଙ୍କ ସମର୍ଥନ ଦେଖିବାକୁ ମିଳୁଛି । ସରକାର ଯେ ପର୍ଯ୍ୟନ୍ତ ଏହି ନୂତନ କୃଷି ଆଇନକୁ ପ୍ରତ୍ୟାହାର କରିନାହାଁନ୍ତି ସେ ପର୍ଯ୍ୟନ୍ତ ଆମେ ଆନ୍ଦୋଳନ ଜାରି ରଖିବୁ ବୋଲି କହିଛନ୍ତି ।