ନୂଆଦିଲ୍ଲୀ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ 10ଟି ASEAN ରାଷ୍ଟ୍ର ଏବଂ ଏହାର ସାଥୀ ରାଷ୍ଟ୍ରଗୁଡିକର ଆଞ୍ଚଳିକ ସୁରକ୍ଷା ବୈଠକକୁ ସମ୍ବୋଧିତ କରିଛନ୍ତି । ଆଜି(ବୁଧବାର) ସକାଳ 6 ଟା 30 ସମୟରେ ସାଉଥ ବ୍ଲକଠାରେ ଆୟୋଜିତ ଏହି ବୈଠକର ପ୍ରତିରକ୍ଷା ମନ୍ତ୍ରୀ ଭର୍ଚୁଆଲରେ ଯୋଗ ଦେଇଥିଲେ । ଏଥିରେ ରାଜନାଥ ସିଂ ASEAN ପ୍ରତିରକ୍ଷା ମନ୍ତ୍ରୀଙ୍କ ସହ ଅଞ୍ଚଳ ସମ୍ମୁଖୀନ ହେଉଥିବା ପ୍ରମୁଖ ସୁରକ୍ଷା ଚ୍ୟାଲେଞ୍ଜର ମୁକାବିଲା ଉପରେ ଭାରତର ମତାମତ ଉପସ୍ଥାପନ କରିଥିଲେ ।
ସେହିପରି ଆସନ୍ତାକାଲି(ଗୁରୁବାର) ହେବାକୁ ଥିବା ASEAN ରାଷ୍ଟ୍ରର ପ୍ରତିରକ୍ଷା ମନ୍ତ୍ରୀଙ୍କ ADMM-Plus ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ଭିଡିଓ କନଫରେନ୍ସିଂ ଯୋଗେ ଅଂଶଗ୍ରହଣ କରିବେ । ଗୁରୁବାର ସକାଳ ଏହି ବୈଠକ ବସିବ ।