ଚେନ୍ନାଇ: ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ହତ୍ୟା ମାମଲରେ ଦୋଷୀ ସାବ୍ୟସ୍ତ ହୋଇ ଜେଲରେ ସଜ୍ଜା କାଟୁଥିବା 6ଷ୍ଠ ଦୋଷୀ ନଳୀନି ଶ୍ରୀହରନ ଆଜି ଭେଲୋର ଜେଲରୁ ମୁକୁଳିଛନ୍ତି (Rajiv Gandhi assassination convict Nalini Sriharan)। ଗତକାଲି (ଶୁକ୍ରବାର) ଏହି ବହୁଚର୍ଚ୍ଚିତ ହତ୍ୟାକାଣ୍ଡ ମାମଲାରେ 6 ଦୋଷୀଙ୍କୁ ମୁକ୍ତ କରିବା ନେଇ ରାୟ ଶୁଣାଇଥିଲେ ସର୍ବୋଚ୍ଚ କୋର୍ଟ । ଏହି ତାଲିକାରେ ନଳୀନିଙ୍କ ସହ ଅନ୍ୟ 5ଜଣଙ୍କ ନାମ ମଧ୍ୟ ରହିଥିଲା । ତେବେ ଗତକାଲି ସର୍ବୋଚ୍ଚ କୋର୍ଟଙ୍କ ନିର୍ଦ୍ଦେଶ ପରେ ଆଜି ସଂଧ୍ୟାରେ ନଳୀନିଙ୍କୁ ତାମିଲନାଡୁ ଭେଲୋର ଜେଲରୁ ମୁକ୍ତ କରାଯାଇଛି ।
ତେବେ ଏହି ଘଟଣାରେ ମୋଟ 7ଜଣ ଦୋଷୀ ସାବ୍ୟସ୍ତ ହୋଇଥବା ବେଳେ ସମସ୍ତଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା । ଏହାପୂର୍ବରୁ ମାମଲାର ଅନ୍ୟତମ ଦୋଷୀ ଏ.ଜି ପେରାରିଭଲନଙ୍କୁ ମଧ୍ୟ କୋର୍ଟଙ୍କ ନିର୍ଦ୍ଦେଶକ୍ରମେ ମୁକ୍ତ କରାଯାଇ ସାରିଛି । ଗତକାଲି ଏହି ମାମଲାର ଅନ୍ୟ 6 ଦୋଷୀଙ୍କୁ ଜେଲରୁ ମୁକ୍ତ କରିବା ପାଇଁ ରାୟ ଦେଇଥିଲେ ସର୍ବୋଚ୍ଚ କୋର୍ଟ । ମାମଲାର 6ଷ୍ଠ ଦୋଷୀ ହେଉଛନ୍ତି ନଳୀନି ଶ୍ରୀହରନ । ଜେଲରୁ ମୁକୁଳିବା ପରେ ନଳୀନି ଶ୍ରୀହରନ ଉଭୟ ତାମିଲନାଡୁ ସରକାର ଏବଂ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇଛନ୍ତି ।