ଜୟପୁର:ଜଣେ ପାକିସ୍ତାନୀ ଗୁପ୍ତଚରକୁ ଗିରଫ କରିଛି ଭାରତୀୟ ଗୁଇନ୍ଦା ସଂସ୍ଥା । ରାଜସ୍ଥାନର ଜୈସଲମେର ଷ୍ଟେସନ ଗେଟ ନିକଟରୁ ତାଙ୍କୁ ଅଟକ ରଖାଯାଇଥିଲା । ସୂଚନାନୁସାରେ, ଏହି ବ୍ୟକ୍ତି ଜଣକ ବାସନିପୁର ଗାଁର ବାସିନ୍ଦା ବାଇ ଖାନ ବୋଲି ଜଣାପଡିଛି।
ସେ ସେହି ଅଞ୍ଚଳରେ ଏକ କ୍ୟାଣ୍ଟିନ ଚଳାଉଥିଲେ । ତାଙ୍କ ମୋବାଇଲ ଫୋନରେ ପାକିସ୍ତାନ, ଅଷ୍ଟ୍ରେଲିଆ, ଶ୍ରୀଲଙ୍କା ଏବଂ ବ୍ରିଟେନ ସମେତ ଅନେକ ଦେଶର ନମ୍ବର ଥିବା ସୂଚନା ମିଳିଛି । ବିଭିନ୍ନ ଗୁଇନ୍ଦା ସଂସ୍ଥା ଉକ୍ତ ସନ୍ଦିଗ୍ଧକୁ ପଚରାଉଚରା କରୁଛି ।