ଜୟପୁର:ରାଜସ୍ଥାନର ଶିକାରରେ ହୋଇଥିବା ଗ୍ୟାଙ୍ଗଓ୍ବାରରେ 2ଜଣଙ୍କ ମୃତ୍ୟୁ ହୋଇଛି (2 killed in Sikar gang war shootout)। ହତ୍ୟାର ଶିକାର ହୋଇଥିବା ମୃତକଙ୍କ ମଧ୍ୟରେ ଗ୍ୟାଙ୍ଗଷ୍ଟାର ରାଜୁ ଥେଟ ମଧ୍ୟ ରହିଛି । ଏହି ଗ୍ୟାଙ୍ଗଓ୍ବାର ରାଜୁ ଗ୍ୟାଙ୍ଗ ଓ କୁଖ୍ୟାତ ଅପରାଧୀ ଲରେନ୍ସ ବିଷ୍ଣୋଇ ଗ୍ୟାଙ୍ଗ ମଧ୍ୟରେ ହୋଇଥିବା ଜଣାପଡିଛି । ଦୁଇଜଣଙ୍କ ମୃତ୍ୟୁ ନେଇ ନିଜକୁ ଦାୟୀ କରିଛି ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ ଗ୍ୟାଙ୍ଗ( Lawrence Bishnoi group)।
ଲରେନ୍ସ ଗ୍ୟାଙ୍ଗର ସଦସ୍ୟ କୁହାଯାଉଥିବା ରୋହିତ ଗୋଦାରା ନାମକ ଜଣେ ଅପରାଧୀ ଲରେନ୍ସ ଗୋଷ୍ଠୀ ଦ୍ବାରା ଏହି ହତ୍ୟକାଣ୍ଡ ଘଟାଯାଇଥିବା ଫେସବୁକ ପୋଷ୍ଟରେ ସୂଚନା ଦେଇଛି । ରାଜସ୍ଥାନର ଚର୍ଚ୍ଚିତ ଗ୍ୟାଙ୍ଗଷ୍ଟାର ଆନନ୍ଦପାଲ ସିଂର ଏନକାଉଣ୍ଟରରେ ସମ୍ପୃକ୍ତ ଥିବା ଅଭିଯୋଗରେ ରାଜୁକୁ ହତ୍ୟା କରାଯାଇଥିବା ଉକ୍ତ ଫେସବୁକ ପୋଷ୍ଟରେ ଉଲ୍ଲେଖ ରହଛି । ସୂଚନାଯୋଗ୍ୟ ଯେ ଆନନ୍ଦପାଲ ସିଂକୁ ପୋଲିସ ଏନକାଉଣ୍ଟର କରି ମାରିଥିଲା । ଅନ୍ୟପଟେ ରାଜୁ ଥେଟର ହତ୍ୟା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ପୋଲିସ ହତ୍ୟାକାରୀଙ୍କୁ ନଧରିବା ଯାଏ ମୃତଦେହ ବ୍ୟବଚ୍ଛେଦ ପାଇଁ ଛାଡୁ ନାହାନ୍ତି ରାଜୁ ଥେଟର ସମର୍ଥକ । ସ୍ଥାନୀୟ ଅଞ୍ଚଳରେ ଦୋକାନ ବଜାର ମଧ୍ୟ ବନ୍ଦ ରହିଛି ।