ପାଟନା: ବିହାରରେ ଚୋରଙ୍କ ଉତ୍ପାତ ଦେଖିବାକୁ ମିଳିଛି । ଚୋରି କଥା କହିଲେ ଆମ ମନକୁ ସାଧାରଣତଃ ସୁନାଗହଣା ଓ ଟଙ୍କା ଚୋରି କଥା ଆସିଥାଏ । ହେଲେ ଜାଣି ଆଶ୍ଚର୍ଯ୍ୟ ହେବେ ବିହାରରେ ଟ୍ରେନ ଟ୍ରାକ ଚୋରି ହୋଇଛି । ବିହାର ସମସ୍ତିପୁରରେ ରେଳ ଟ୍ରାକ ଚୋରି କରିଛନ୍ତି ଚୋର । 2କିମି ରେଳ ଲାଇନ ଚୋରି କରି ଚୋର ଚମ୍ପଟ ମାରିଛନ୍ତି । ଯାହା ସମସ୍ତଙ୍କୁ ଚକିତ କରିଛି ।
ବିହାର ସମସ୍ତିପୁର ରେଳ ମଣ୍ଡଳରେ ଏହି ଘଟଣା ଘଟିଛି । ପୂର୍ବରୁ ରେଳ ଇଞ୍ଜିନ ଓ ମୋବାଇଲ ଟାୱାର ଚୋରି କି ନେଇଥିଲେ ଚୋର । ମାତ୍ର ଏବେ ରେଳ ଟ୍ରାକ ଚୋରି କରି ଚୋର ଛୁ ହୋଇଛନ୍ତି । ମାମଲାର ଅଧିକ ତଦନ୍ତ ଜାରି ରହିଛି । ଏଥିରେ କିଛି ରେଳ କର୍ମଚାରୀଙ୍କ ହାତ ଥିବା କୁହାଯାଉଛି । ସମସ୍ତିପୁର ରେଳ ମଣ୍ଡଳ ମୁତାବାକ ଲୋହଟ ଚିନି ମିଲ ପାଇଁ ପଣ୍ଡୋଲ ରେଳଷ୍ଟେସନରୁ ରେଳ ଲାଇନ ବିଛା ଯାଇଥିଲା । ଚିନି ମିଲ ଅନେକ ଦିନ ହେବ ବନ୍ଦ ଥିଲା । ମିନ ବନ୍ଦ ପଡିବାରୁ ରେଳ ଲାଇନ ମଧ୍ୟ ବନ୍ଦ ହୋଇଥିଲା । ଏହାର ଫାଇଦା ଉଠାଇଥିଲେ ଚୋର । ରେଳ କର୍ମଚାରୀଙ୍କ ସହ ମେଣ୍ଟ କରି 2 କିଲୋମିଟର ରେଳ ଲାଇନ ଚୋରି କରି ନେଇଥିବା ଜଣାପଡିଛି ।
ଏହା ବି ପଢନ୍ତୁ...JEE Main 2023: ଆଜି ପ୍ରକାଶ ପାଇପାରେ ଜେଇଇ ମେନ ପରୀକ୍ଷା ଫଳ