ମୁମ୍ବାଇ: ପୁଣି ରେଳ ଧାରଣାରୁ ନିଶ୍ଚିତ ମୃତ୍ୟୁରୁ ବଞ୍ଚିଯାଇଛନ୍ତି ମହିଳା । ଏହିଭଳି ଘଟଣା ବାରମ୍ବାର ସାମନାକୁ ଆସୁଥିବା ଦେଖିବାକୁ ମିଳୁଛି । ଶନିବାର ଜଣେ ମହିଳା ଚଳନ୍ତା ଟ୍ରେନ ତଳକୁ ଖସିଯାଉଥିବା ବେଳେ ସେଠାରେ ଥିବା 2 ଜଣ ସୁରକ୍ଷାକର୍ମୀ ତାଙ୍କୁ ବଞ୍ଚାଇଛନ୍ତି । ତେବେ ଏହି ଘଟଣା ମହାରାଷ୍ଟ୍ରର ଥାନେ ରେଳ ଷ୍ଟେସନରେ ଘଟିଥିବା ଦେଖିବାକୁ ମିଳିଛି ।
ଚଳନ୍ତା ଟ୍ରେନରେ ଚଢିବା ବେଳେ ଖସିପଡିଲେ ମହିଳା, ଭିଡିଓ ଭାଇରାଲ
ଉତ୍ତରପ୍ରଦେଶର ଧାନପତ୍ତି ରାଜୁ ଭରଦ୍ବାଜ ନାମକ ଜଣେ ମହିଳା ଯାତ୍ରୀ ମହାନଗ୍ରି ଏକ୍ସପ୍ରେସରେ ଚଢୁଥିବା ସମୟରେ ଦୁର୍ଘଟଣାର ଶିକାର ହୋଇଥିଲେ । ମିଳିଥିବା ସୂଚନା ଅନୁସାରେ ଟ୍ରେନଟି ଷ୍ଟେସନରେ ରହିବା ପୂର୍ବରୁ ମହିଳା ଜଣକ ଚଢିବାକୁ ଉଦ୍ୟମ କରୁଥିଲେ । ତେବେ ଏହି ସମୟରେ ତାଙ୍କ ଗୋଡ଼ ଖସିଯିବାରୁ ସେ ରେଳ ଟ୍ରାକ୍ ମଧ୍ୟକୁ ପଡିଯାଉଥିବା ବେଳେ ସେଠାରେ ଉପସ୍ଥିତ ଥିବା 2 ଜଣ ସୁରକ୍ଷା କର୍ମୀ ତାଙ୍କୁ ଟାଣି ମୃତ୍ୟୁମୁଖରୁ ରକ୍ଷା କରିଥିଲେ ।