ଚେନ୍ନାଇ: ଦୀର୍ଘ ୧୦୦ରୁ ଅଧିକ ବର୍ଷ ଧରି ସମୁଦ୍ର ମଝିରେ ପାହାଡ଼ ପରି ଠିଆ ହୋଇଛି ପମ୍ବନ ବ୍ରିଜ । ତାମିଲନାଡୁର ରାମେଶ୍ବରମଠାରେ ରହିଛି ବ୍ରିଟିଶ ଅମଳର ଏହି ବ୍ରିଜ । ଯାହାକି ଭାରତର ଇତିହାସକୁ ଜାବୁଡ଼ି ଧରିବା ସହ ଦେଶର ଭୂଖଣ୍ଡକୁ ସମୁଦ୍ର ସହ ଯୋଡ଼ିବାରେ ସକ୍ଷମ ହୋଇଛି । ତେବେ ଏହି ଶତାଧିକ ବର୍ଷର ପୋଲକୁ ଜାତୀୟ ସ୍ମାରକୀ ମିଳିବା ଉଚିତ ବୋଲି ଇଟିଭି ଭାରତ ସହିତ ଆଲୋଚନା କରି ଦାବି କରିଛନ୍ତି ପୂର୍ବତନ ଲୋକୋ ପାଇନଟ କ୍ରୀଷ୍ଣନ । ଏହାର ସ୍ବତନ୍ତ୍ରତା ଓ ସମୃଦ୍ଧି ଇତିହାସର ସଂରକ୍ଷଣ ପାଇଁ ଭାରତ ସରକାର ଏହି ମାନ୍ୟତା ପ୍ରଦାନ କରନ୍ତୁ ବୋଲି ସେ କହିଛନ୍ତି ।
ଏବେ ଏହି ବହୁ ପୁରାତନ ପମ୍ବନ ବ୍ରିଜରେ ରେଳ ଚଳାଚଳକୁ ବନ୍ଦ କରାଯାଇଛି । ଏହା ଭାରତରେ ସର୍ବପ୍ରଥମ ସାମୁଦ୍ରିକ ପୋଲ । ପମ୍ବନ ବ୍ରିଜଟି ବହୁ ପୁରୁଣା ହୋଇଯାଇଥିବାରୁ କୌଣସି ଅଘଟଣକୁ ଏଡ଼ାଇବା ଲାଗି ଏହାକୁ ଲାଗି ସମାନ୍ତରାଳ ଭାବରେ ଆଉ ଏକ ନୂଆ ପମ୍ବନ ବ୍ରିଜ ନିର୍ମାଣ କରାଯାଉଛି । ଏହି ପୁରାତନ ପମ୍ବନ ପୋଲ ପ୍ରାୟ ୨୩୪୦ ମିଟର ପର୍ଯ୍ୟନ୍ତ ବ୍ୟାପିଥିବା ବେଳେ ଏହା ରାମନାଥପୁରମ ଜିଲ୍ଲାର ମନ୍ଦପମକୁ ରାମେଶ୍ବର ଦ୍ବୀପ ସହିତ ସଂଯୋଗ କରେ । ଏହାକୁ ୧୯୧୩ ମସିହାରେ ଇଂଲିଶ ଇଞ୍ଜିନିୟର ଶ୍ରେଶରଙ୍କ ନେତୃତ୍ବରେ ଏହାର ନିର୍ମାଣ ହୋଇଥିଲା । ଗତ ୨୦୨୨ ଡିସେମ୍ବର ମାସରୁ ଏଠାରେ ରେଳ ଚଳାଚଳକୁ ବନ୍ଦ କରାଯାଇଛି । ଆଇଆଇଟି ମାଡ୍ରାସର କିଛି ଗବେଷକ ଏ ନେଇ ବିପଦ ଘଣ୍ଟି ବଜାଇବା ପରେ ଏଠାରେ ରେଳ ଚଳାଚଳନ ବନ୍ଦ ରହିଥିଲା ।