ବଜାରରେ ମିଳୁଛି ନକଲି ପିସ୍ତା, ନାଗପୁର କାରଖାନାରେ ଚଢାଉ

ନାଗପୁର ସହରର ନକଲି ପିସ୍ତା ଫ୍ୟାକ୍ଟ୍ରିରେ ପୋଲିସର ଚଢାଉ( Police Raid on pista factory ) । ବିପୁଳ ପରିମାଣର ନକଲି ପିସ୍ତା ଜବତ କରିଲେ ଡେପୁଟି କମିଶନର । ଅଧିକ ପଢନ୍ତୁ

ମୁମ୍ବାଇ: ନକଲି ପିସ୍ତା ଫ୍ୟାକ୍ଟ୍ରିରେ ପୋଲିସର ଚଢାଉ( Police Raid on pista factory ) । ଜବତ ହେଲା ୧୨୦କିଲୋ ନକଲି ପିସ୍ତା । ନାଗପୁର ସହରରେ ବାଦାମରୁ ପିସ୍ତା କରୁଥିବା ଫ୍ୟାକ୍ଟ୍ରିରେ ରେଡ କରିବା ସହ ନକଲି ପିସ୍ତା ଜବତ କରାଯାଇଛି ।

ସୂଚନାଅନୁସାରେ, ଡେପୁଟି କମିଶନର ଗଜାନନ ରାଜମାନଙ୍କ( Deputy Commissioner of Police Gajanan Rajmane ) ନେତୃତ୍ୱରେ ବାଦାମକୁ ରାସାୟନିକ ଉପାୟରେ ପିସ୍ତା ଆକାର ଦିଆଯାଉଥିବା ଏକ ଫ୍ୟାକ୍ଟ୍ରିରେ ରେଡ କରାଯାଇଥିଲା( Chemical processing of peanuts ) । ଏହି ସମୟରେ ୧୨୦ କିଲୋ ନକଲି ପିସ୍ତା ସହ ସାଢେ ୧୨ ଲକ୍ଷ ଟଙ୍କାର ସାମଗ୍ରୀ ମଧ୍ୟ ଜବତ କରାଯାଇଛି ।

ସୂଚନାଅନୁସାରେ, ବଜାରରୁ ୧୦୦ରୁ ୧୪୦ ଟଙ୍କା କିଲୋରେ ବାଦାମ ଆଣି ତାକୁ ପ୍ରକ୍ରିୟାକରଣ କରି ବ୍ୟବସାୟୀମାନେ ପିସ୍ତା ଭାବେ ୧୧୦୦ ଟଙ୍କା ମୂଲ୍ୟରେ ବଜାରରେ ବିକ୍ରି କରୁଥିବା ନେଇ ଖବର ପାଇଥିଲା ନାଗପୁର ଡିସିପି । ଏହାପରେ ଡେପୁଟି କମିଶନର ଗଜାନନ ରାଜମାନଙ୍କ ନେତୃତ୍ୱରେ ଏକ ଟିମ ଗଠନ କରାଯାଇ ନକଲି ଫ୍ୟାକ୍ଟ୍ରି ଉପରେ ନଜର ରଖାଯାଇଥିଲା । ଗଣେଶପେଟ ଅଞ୍ଚଳରେ ଥିବା ଏମ୍ପ୍ରେସ୍ ମଲରେ ପେଟ୍ରୋଲିଂ କରୁଥିବା ସମୟରେ ଜଣେ ଲୋକ ଉପରେ ସନ୍ଦେହ ହୋଇଥିଲା । ପରେ ପୋଲିସ ଅଟାକାଇ ପଚରା ଉଚରା କରିବା ସହ କାରରେ ଖୋଜାଖୋଜି କରିଥିଲା ।

ଏହି ସମୟରେ କାରରେ ବିପୁଳ ପରିମାଣର ନକଲି ପିସ୍ତା ଦେଖି ପୋଲିସ ଅଧିକାରୀ ଡେପୁଟି କମିଶନର ଗଜାନନ ରାଜମାନେଙ୍କୁ ଖବର ଦେଇଥିଲେ । ଖବରପାଇ ଡେପୁଟି କମିଶନର ଘଟଣାସ୍ଥଳରେ ପହଞ୍ଚି ଫ୍ୟାକ୍ଟ୍ରି ଉପରେ ଚଢାଉ କରିଥିଲେ । ଚଢାଉ ସମୟରେ ୧୨୦ କିଲେଗ୍ରାମର ୩ଟି ନକଲି ଝୁଟ ଅଫା ପିସ୍ତା ଜବତ କରାଯାଇଥିଲା । ଯାହାର ବଜାର ମୂଲ୍ୟ ୧ ଲକ୍ଷ ୩୨ ହଜାର ଟଙ୍କା ହେବ ବୋଲି ଆକଳନ କରାଯାଇଛି ।

ପୋଲିସର ସୂଚନା ଅନୁଯାୟୀ, କାରଖାନାରେ ରେଡ ସମୟରେ ଦୁଇଜଣ ଶ୍ରମିକ ଫ୍ୟାକ୍ଟ୍ରିର ଉପର ମହଲାରେ ମେସିନ ସାହାଯ୍ୟରେ ନକଲି ପିସ୍ତା ତିଆରି କରାଯାଇ ଶୁଖାଯାଇଥିଲା ।

ଏମିତି ତିଆରି କରାଯାଉଥିଲା ନକଲି ପିସ୍ତାବାଦାମ

ଫ୍ୟାକ୍ଟ୍ରିକୁ ଦିଲୀପ ପାଉନିକର ନାମକ ଜଣେ ବ୍ୟକ୍ତି ପରିଚାଳନା କରୁଥିଲେ। ଚିନାବାଦାମକୁ କିଲୋପଛା ୭୦ଟଙ୍କାରେ ଆଣି ଶୁଖାଯାଉଥିଲା ।ଏହାପରେ ମେସିନ ସାହାଯ୍ୟରେ ପେଶି ପୁଣି ଶୁଖାଇ ନକଲି ପିସ୍ତାବାଦାମ ତିଆରି କରାଯାଉଥିଲା । ଏହାକୁ ବଜାରରେ ୧୧୦୦ଟଙ୍କା କିଲୋରେ ବିକ୍ରି କରାଯାଉଥିଲା । ରେଡ ସମୟରେ ୧୨୦ କିଲୋ ନକଲି ପିସ୍ତା ସହ ସାଢେ ୧୨ ଲକ୍ଷ ଟଙ୍କାର ସାମଗ୍ରୀ ମଧ୍ୟ ଜବତ କରାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ