ଆଜି ଲଖୀମପୁର ଖେରୀ ଯିବେ ରାହୁଲ

ଆଜି ଲଖୀମପୁର ଖେରୀ ଗସ୍ତ କରିବେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ । ପ୍ରିୟଙ୍କା ଗାନ୍ଧୀଙ୍କୁ ଗିରଫ କରିସାରିଛି ୟୁପି ପୋଲିସ । ଅଧିକ ପଢନ୍ତୁ...

ନୂଆଦିଲ୍ଲୀ: ଉତ୍ତରପ୍ରଦେଶ ଲଖୀମପୁର ଖେରୀ ହିଂସା ଘଟଣାରେ ଜାରି ରହିଛି ବିରୋଧୀଙ୍କ ହାଇଭୋଲଟେଜ ଡ୍ରାମା । ପ୍ରିୟଙ୍କା ଗାନ୍ଧୀଙ୍କୁ ଗିରଫ କରିସାରିଛି ୟୁପି ପୋଲିସ । ଏପଟେ ଲଖୀମପୁର ଖେରୀ ଯିବାକୁ ଅଡି ବସିଛନ୍ତି ବିରୋଧୀ ନେତା । ଏହାରି ମଧ୍ୟରେ ଆଜି ଲଖୀମପୁର ଖେରୀ ଗସ୍ତ କରିବେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ।

ରାହୁଲଙ୍କ ଲଖୀମପୁର ଖେରୀ ଗସ୍ତ ପାଇଁ ଉତ୍ତରପ୍ରଦେଶ ପ୍ରଶାସନକୁ ଅନୁମତି ମଗାଯାଇଛି । ସୂଚନା ଅନୁଯାୟୀ, ଆଜି (ବୁଧବାର) ଦିନ ୧୨ଟାରେ ଲକ୍ଷ୍ମୌରେ ପହଁଞ୍ଚିବେ ରାହୁଲ । ଏହାପରେ ନିଜ ଭଉଣୀ ପ୍ରିୟଙ୍କାଙ୍କୁ ଭେଟିବାକୁ ରାହୁଲ ସୀତାପୁର ଯିବେ ।

ଏହାପୂର୍ବରୁ ରାହୁଲ ଟ୍ବିଟ କରି କହିଥିଲେ ଯେ ଯାହାଙ୍କୁ ଗିରଫ କରିଛ ସେ ଭୟ କରେନାହିଁ । ସେ ପ୍ରକୃତ କଂଗ୍ରେସୀ । ହାର ମାନିବ ନାହିଁ । ସତ୍ୟାଗ୍ରହ ଅଟକିବ ନାହିଁ ବୋଲି କହିଛନ୍ତି ରାହୁଲ ।