ନୂଆଦିଲ୍ଲୀ: ଦେଶରେ ତୈଳଦର ବୃଦ୍ଧିକୁ ନେଇ କଂଗ୍ରେସ ବରାମ୍ବାର ବିଜେପିକୁ ପ୍ରଶ୍ନ କରିଆସୁଛି । ଏହି କ୍ରମରେ ଶନିବାର ଦିନ ପୁଣି କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ ( Rahul Gandhi Slams Centre Over Fuel LPG Prices)। ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରି ରାହୁଲ ଗାନ୍ଧୀ କହିଛନ୍ତି,"ବର୍ତ୍ତମାନ ସୁଦ୍ଧା ଦେଶରେ କାହିଁକି ପେଟ୍ରୋଲ, ଡିଜେଲ ଏବଂ ଗ୍ୟାସ ସିଲିଣ୍ଡର ଦର ହ୍ରାସ ପାଇଲା ନାହିଁ । ବିଜେପିର ଲୁଟ ସିଷ୍ଟମକୁ ନେଇ ଭାରତ ଯୋଡ ଯାତ୍ରାରେ କଂଗ୍ରେସ ସ୍ବର ଉଠାଉଛି ।"
ଏନେଇ କଂଗ୍ରେସ ସାଂସଦ ଟ୍ବିଟ କରି କହିଛନ୍ତି,"ମୋତେ ଜବାବ ଦିଅ(Reply to Me!),ବିଶ୍ବରେ ଗତ ୬ମାସ ମଧ୍ୟରେ ରନ୍ଧନ ଗ୍ୟାସ ଏବଂ ଅଶୋଧିତ ତୈଳ ଦର ଯଥାକ୍ରମେ ୪୦ ଏବଂ ୨୫% ହ୍ରାସ ପାଇଛି । କିନ୍ତୁ ବର୍ତ୍ତମାନ ସୁଦ୍ଧା ଭାରତରେ ଦର କାହିଁକି ହ୍ରାସ ପାଇନାହିଁ ? ମୋଦି ଜୀ ଭାରତ ଯୋଡ ଯାତ୍ରାରେ ଆପଣଙ୍କ ଲୁଟ ତନ୍ତ୍ର ବିରୋଧରେ ଜନତା ସ୍ବର ଉଠାଉଛନ୍ତି ।"