ନୂଆଦିଲ୍ଲୀ: ଟେକ୍ ଫଗ ଓ ବୁଲ୍ଲୀ ବାଈ ଆପକୁ ନେଇ ବିଜେପିକୁ ଟାର୍ଗେଟ କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ (Rahul Gandhi slams BJP over Tek Fog app)। ଭାଜପା ଘୃଣାର ଅନେକ କାରଖାନା ଖୋଲିଛି (bjp set up several factories of hate says rahul) । ସେଥିମଧ୍ୟରୁ ଟେକ୍ ଫଗ ଅନ୍ୟତମ ବୋଲି କହିଛନ୍ତି ରାହୁଲ । ଏତେ ପରିମାଣର ଘୃଣା କେଉଁଠୁ ଆସୁଛି ଏ ନେଇ ସମଗ୍ର ଦେଶ ଆଶ୍ଚର୍ଯ୍ୟ ହେଉଛି । ବୁଲ୍ଲୀ ବାଈ ଆପରେ ଏକ ନିର୍ଦ୍ଧିଷ୍ଟ ଧର୍ମର ମହିଳାଙ୍କୁ ଟାର୍ଗେଟ କରାଯାଉଛି । ଏହା ମାମଲାରେ ଅଭିଯୁକ୍ତଙ୍କ ବୟସକୁ ଦେଖିଲେ ଏତେ ହିଂସା କେଉଁଠୁ ଆସୁଛି ବୋଲି ପ୍ରଶ୍ନ କରିଛନ୍ତି ରାହୁଲ ।
ବାସ୍ତବରେ ଭାଜପା ଅନେକ ଘୃଣାର କାରଖାନା ସ୍ଥାପନ କରିଛି । ଟେକ୍ ଫଗ ସେଥିରୁ ଗୋଟିଏ ବୋଲି ଟ୍ବିଟ କରି କହିଛନ୍ତି ରାହୁଲ । ଟେକ୍ ଫଗ ଭାଜପାକୁ ସହାୟକ ହେଉଛି । ଏହା ହିଂସାର ପ୍ରସାର ପାଇଁ ସାଇବର ସେନାକୁ ଖୋରାକ ଯୋଗାଉଛି ବୋଲି ଖବର ପ୍ରସାର ପାଇଥିଲା । ଏହି ଆପ ନେଇ ସରକାରଙ୍କୁ ଜବାବ ମାଗିବା ସହ ସୁପ୍ରିମକୋର୍ଟ ଏଥିରେ ହସ୍ତକ୍ଷେପ କରିବାକୁ କଂଗ୍ରେସ ଦାବି କରିଛି ।