ଚଣ୍ଡିଗଡ଼: ୫ ରାଜ୍ୟରେ ବିଧାନସଭା ନିର୍ବାଚନ ଭୋଟ ଗଣତି ଜାରି ରହିଛି । ପଞ୍ଜାବରେ କଂଗ୍ରେସ ଗାଦିଚ୍ୟୁତ ହେବା ଏକ ପ୍ରକାର ନିଶ୍ଚିତ ହୋଇଛି । କଂଗ୍ରେସର ହେଭିୱେଟମାନେ ପରାଜୟ ବରଣ କରିଛନ୍ତି । ଫଳରେ ପଞ୍ଜାବରେ ପୁଣି ସରକାର ଗଢ଼ିବା ସ୍ବପ୍ନ କଂଗ୍ରେସର ସ୍ବପ୍ନରେ ରହି ଯାଇଛି । ଉତ୍ତର ପ୍ରଦେଶ, ମଣିପୁର, ଉତ୍ତରାଖଣ୍ଡ ଓ ଗୋଆରେ ମଧ୍ୟ ଦଳ ଭଲ ପ୍ରଦର୍ଶନ କରି ପାରିନାହିଁ ।
ଏହାକୁ ନେଇ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଟ୍ବିଟ୍ କରିଛନ୍ତି । ରାହୁଲ ଟ୍ବିଟ୍ କରି କହିଛନ୍ତି ଯେ, "ଜନତାଙ୍କ ମତକୁ ମୁଁ ଗ୍ରହଣ କରୁଛି । ଯେଉଁମାନେ ବିଜୟୀ ହୋଇଛନ୍ତି ସେମାନଙ୍କୁ ମୁଁ ଶୁଭେଚ୍ଛା ଜଣାଉଛି । ବିଧାନସଭା ନିର୍ବାଚନ ପାଇଁ ପରିଶ୍ରମ କରିଥିବା କଂଗ୍ରେସ କର୍ମୀଙ୍କୁ ମୁଁ କୃତଜ୍ଞତା ଜଣାଉଛି । ଆମେ ଏହି ଫଳାଫଳରୁ ଶିକ୍ଷା ଲାଭ କରିବୁ । ଲୋକଙ୍କ ହୀତ ପାଇଁ ଆମେ କାର୍ଯ୍ୟ କରିବା ଜାରି ରଖିବୁ ।"