ନୂଆଦିଲ୍ଲୀ: ସ୍ବାଧୀନତାର ୭୫ ବର୍ଷ ପୂର୍ତ୍ତି ଅବସରରେ ଦେଶ ପାଳୁଛୁ 'ଆଜାଦି କା ଅମୃତ ମହୋତ୍ସବ' (Azadi Ka Amrit Mahotsav)। ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 'ହର ଘର ତ୍ରିରଙ୍ଗା' (Har Ghar Tiranga Campaign) ଅଭିଯାନ ଆରମ୍ଭ କରିଛନ୍ତି । ଏହାକୁ ନେଇ ଏବେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ରାହୁଲ ଗାନ୍ଧୀ । 'ହର ଘର ତ୍ରିରଙ୍ଗା' ଅଭିଯାନ ଦ୍ବାରା ଗରିବ ଲୋକେ ମାନେ ସମସ୍ୟାର ସମ୍ମୁଖୀନ ହେଉଥିବା ନେଇ ଫେସବୁକରେ ଏକ ପୋଷ୍ଟ କରିଛନ୍ତି ରାହୁଲ ।
କଂଗ୍ରେସ ନେତା ରାହୁଲ ଗାନ୍ଧୀ ଅଭିଯୋଗ କରିଛନ୍ତି ଯେ, ''ରାସନକାର୍ଡଧାରୀ ଦୋକାନୀ ମାନଙ୍କ ଦ୍ବାରା ଜାତୀୟ ପତାକା କିଣିବାକୁ ବାଧ୍ୟ ହେଉଛନ୍ତି ଯାହା ଗରିବଙ୍କ ଆତ୍ମ ସମ୍ମାନକୁ ଆଘାତ ଦେଇଥିବା ସେ ଫେସବୁକ ପୋଷ୍ଟରେ କହିଛନ୍ତି । ଜାତୀୟ ପତାକା ଆମର ଗର୍ବ ଏବଂ ଏହା ଆମର ହୃଦୟରେ ରହିଥାଏ । ରାସନ ଦେବାବେଳେ, ହିତାଧିକାରୀଙ୍କୁ ଜାତୀୟ ପତାକା ପାଇଁ ୨୦ ଟଙ୍କା ଦେବାକୁ କୁହାଯାଉଛି, ଯାହା ଅତ୍ୟନ୍ତ ଲଜ୍ଜାଜନକ ।