ନୂଆଦିଲ୍ଲୀ:ଦୁଇଟି ଆସନରୁ ନିର୍ବାଚନ ଲଢିବେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିିିଂ । ଆଜି କଂଗ୍ରେସ ଜାରି କରିଥିବା ତୃତୀୟ ପର୍ଯ୍ୟାୟ ତାଲିକାରେ ମଧ୍ୟ ଚନ୍ନିଙ୍କ ନାମ ଘୋଷଣା କରାଯାଇଛି । ପୂର୍ବରୁ ଚମକୌର ସାହିବ ଆସନରୁ ବିଧାନସଭା ନିର୍ବାଚନ ମୈଦାନକୁ ଓହ୍ଲାଇଥିବା ଚନ୍ନି ଦ୍ବିତୀୟ ଆସନ ଭାବେ ଭଦୌର ନିର୍ବାଚନ ମଣ୍ଡଳୀରୁ ପ୍ରତିଦ୍ୱନ୍ଦ୍ୱିତା କରିବା ନେଇ ନିଷ୍ପତ୍ତି ନେଇଛି ।
ଆଜି କଂଗ୍ରେସ ତୃତୀୟ ପର୍ଯ୍ୟାୟ ତାଲିକାରେ ଆଠ ଜଣ ପ୍ରାର୍ଥୀଙ୍କ ନାମ ଘୋଷଣା କରିଛି । ତେବେ ଏହି ତାଲିକା ପ୍ରକାଶ ପାଇବା ପରେ ପଞ୍ଜାବ ବିଧାନସଭା ନିର୍ବାଚନର ଅନ୍ୟତମ ପ୍ରମୁଖ ପ୍ରତିଦ୍ବନ୍ଦୀ ଭାବେ ମୈଦାନରେ ଥିବା ଆପ ମୁଖ୍ୟ କେଜ୍ରିଓ୍ବାଲ କଂଗ୍ରେସକୁ ସମାଲୋଚନା କରିଛନ୍ତି । ପୂର୍ବରୁ ଏମତି କିଛି ହୋଇପାରେ ବୋଲି ମଧ୍ୟ ପୂର୍ବନୂମାନ କରି କେଜ୍ରିଓ୍ବାଲ କହିଥିଲେ, ଚନ୍ନି ଚମକୌର ସାହିବ ଆସନରୁ ନିର୍ବାଚନ ହାରିବାକୁ ଯାଉଛନ୍ତି । ଆଜି କଂଗ୍ରେସ ଦୁଇଟି ଆସନରୁ ତାଙ୍କୁ ପ୍ରତିଦ୍ୱନ୍ଦ୍ୱିତା କରାଇବ ବୋଲି ଘୋଷଣା କରିବା ପରେ ଆପର ଆକଳନ ସଠିକ ଥିଲା ବୋଲି ଟ୍ବିଟ କରି କହିଛନ୍ତି କେଜ୍ରିଓ୍ବାଲ ।