ଚଣ୍ଡିଗଡ: ଅମୃତସର ସ୍ବର୍ଣ୍ଣ ମନ୍ଦିର ଅଘଟଣ ପରେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି ଆଜି (ରବିବାର) ଦିନ ଅମୃତସରର ସ୍ବର୍ଣ୍ଣ ମନ୍ଦିର ପରିଦର୍ଶନ କରିଛନ୍ତି । ମନ୍ଦିର ପରିଦର୍ଶନ କରି ଗତକାଲି ଘଟିଥିବା ଅଘଟଣ ସମ୍ପର୍କରେ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ଚନ୍ନୀ ।
ମନ୍ଦିରରେ ପ୍ରାର୍ଥନା କରିବା ପରେ ସ୍ଥିତି ସମୀକ୍ଷା ସହ ଗଣମାଧ୍ୟମକୁ ସୂଚନା ଦେଇ ମୁଖ୍ୟମନ୍ତ୍ରୀ ଚନ୍ନି କହିଛନ୍ତି, ଆମେ ସମସ୍ତ ଧର୍ମର ଧାର୍ମିକ କେନ୍ଦ୍ରକୁ ସମ୍ମାନ ଏବଂ ସୁରକ୍ଷା ଦେବା ଆବଶ୍ୟକ । ସାମ୍ପ୍ରଦାୟିକ ସୌହାର୍ଦ୍ଧ୍ୟ ରକ୍ଷା କରିବା ପାଇଁ ରାଜ୍ୟବାସୀଙ୍କୁ ନିବେଦନ କରୁଛୁ । ବିଧାନସଭା ନିର୍ବାଚନ ପାଖେଇ ଆସୁଥିବାରୁ ଏପରି ଅଭାବନୀୟ ଘଟଣା ପଞ୍ଜାବ ଉପରେ କୁପ୍ରଭାବ ପକାଇବା ସହ ସ୍ଥିରତା ନଷ୍ଟ ମଧ୍ୟ କରିପାରେ ।
ସ୍ବର୍ଣ୍ଣ ମନ୍ଦିର ପରିଦର୍ଶନ କଲେ ପଞ୍ଜାବ ମୁଖ୍ୟମନ୍ତ୍ରୀ ଚନ୍ନୀ, ଶାନ୍ତି ରକ୍ଷା ପାଇଁ କଲେ ନିବେଦନ