ଚଣ୍ଡୀଗଡ: ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନିଙ୍କ ଏକ ଜଠ ବା ଦଳ ଆଜି ପାକିସ୍ତାନ କରତାରପୁରର ଗୁରଦ୍ବାର ଦରବାର ସାହିବ ଗସ୍ତ କରିବ । କୋଭିଡ ପରେ କରତାରପୁର ଖୋଲିବା ପରେ ଏହା ଚନ୍ନିଙ୍କ ମନ୍ତ୍ରୀ ମଣ୍ଡଳର ପ୍ରଥମ ଗସ୍ତ । ଚନ୍ନିଙ୍କ ଏହି ଗସ୍ତ ସମୟରେ ତାଙ୍କର କିଛି ବିଧାୟକ ଏବଂ ଅଧିକାରୀ ଉପସ୍ଥିତ ରହିବେ । କିନ୍ତୁ ପିସିସି ସଭାପତି ନବଜୋତ ସିଂହ ସିଦ୍ଧୁ ଉପସ୍ଥିତ ରହିବେ ନାହିଁ ବୋଲି ଜଣାପଡିଛି ।
ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁ ଏହି ଯାତ୍ରାରେ ସାମିଲ ହେବେ ନାହିଁ ବୋଲି ବୁଧବାର ରାତିରେ ସିଦ୍ଧୁଙ୍କ ଗଣମାଧ୍ୟମ ପରାମର୍ଶଦାତା ସୁରିନ୍ଦର ଡାଲା କରିଛନ୍ତି । ସେ କହିଛନ୍ତି ଯେ, ସିଦ୍ଧୁ ଆନୁଷ୍ଠାନିକ ଭାବେ ନଭେମ୍ବର 18 ପରିବର୍ତ୍ତେ ନଭେମ୍ବର 20 ରେ କରତାରପୁର ଯାଇପାରନ୍ତି ।
ଆସନ୍ତାକାଲି ଶିଖ ଧର୍ମ ପ୍ରତିଷ୍ଠାତା ଗୁରୁ ନାନକଙ୍କ ଜନ୍ମ ବାର୍ଷିକୀ ଅର୍ଥାତ ଗୁରୁପୂର୍ଣ୍ଣିମା । ଏହି ଅବସରରେ କରାଯାଉଥିବା ଗୁରୁପର୍ବର ଗୋଟିଏ ଦିନ ପୂର୍ବରୁ ପ୍ରାୟ 100 ଲୋକ ଏହି ମନ୍ଦିର ପରିଦର୍ଶନ କରିବେ ବୋଲି କଷ୍ଟମ ଅଧିକାରୀଙ୍କ ସୂଚନା ଦେଇଛନ୍ତି ।