ନୂଆଦିଲ୍ଲୀ: ଜୈଶ ଏ ମହମ୍ମଦ ଆତଙ୍କୀଙ୍କୁ ଆଜୀବନ କାରାଦଣ୍ଡ । ୫ ଜଣ ଜୈଶ-ଏ-ମହମ୍ମଦ ଆତଙ୍କୀଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି ସ୍ବତନ୍ତ୍ର NIA କୋର୍ଟ । ପୁଲୱାମା ଆତଙ୍କୀ ଆକ୍ରମଣରେ ଏମାନେ ଆତଙ୍କବାଦୀଙ୍କୁ ସହୟତା କରିଥିଲେ । ଏହି ମାମଲାରେ ଜଣେ ଦୋଷୀଙ୍କୁ ଏକ ବର୍ଷ କାରାଦଣ୍ଡରେ ଦଣ୍ଡିତ କରିଛନ୍ତି NIA ସ୍ବତନ୍ତ୍ର କୋର୍ଟ । ଗୁରୁତ୍ବପୂର୍ଣ୍ଣ କଥା ହେଉଛି ଏହି ମାମଲର ତଦନ୍ତ କରୁଥିଲେ ଜଣେ ଓଡ଼ିଆ ଆଇପିଏସ୍ ଅଧିକାରୀ ବର୍ତ୍ତମାନ ସେ ରାଜ୍ୟ ଅପରାଧ ରେକର୍ଡ ବ୍ୟୁରରେ ଏସ୍ପି ଭାବରେ କାର୍ଯ୍ୟ କରୁଛନ୍ତି ।
ଓଡ଼ିଆ IPS ଅଧିକାରୀ ଡକ୍ଟର ସତ୍ୟଜିତ ନାୟକ ଏହି ମାମଲା ତଦନ୍ତ କରୁଥିଲେ । ସେହି ସମୟରେ IPS ଅଧିକାରୀ ଡକ୍ଟର ସତ୍ୟଜିତ ନାୟକ NIAର ଏସ୍ପି ଭାବରେ ଦାୟିତ୍ବରେ ଥିଲେ । ପୁଲୱାମା ଆକ୍ରମଣ ପରେ ଏହାକୁ ନେଇ ଅନେକ ଦିଗରୁ ତଦନ୍ତ କରାଯାଇଥିଲା । ଏହି ଆକ୍ରମଣରେ ଆତଙ୍କବାଦୀଙ୍କୁ ଅନେକ ସହାୟତା କରିଥିବା ଲିଙ୍କ୍ ମିଳିଥିଲା । ଏହାକୁ ନେଇ ତଦନ୍ତ ଆରମ୍ଭ ହୋଇଥିଲା । ମୁଖ୍ୟ ତଦନ୍ତ ଅଧିକାରୀ ଭାବରେ ଦାୟିତ୍ବ ନେଇଥିଲେ IPS ଅଧିକାରୀ ଡକ୍ଟର ସତ୍ୟଜିତ ନାୟକ ।