ନୂଆଦିଲ୍ଲୀ: ଚଳିତବର୍ଷ ପଶ୍ଚିମବଙ୍ଗରେ 8ମ ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେଉଛି । ବର୍ତ୍ତମାନ ସୁଦ୍ଧା 4ଟି ପର୍ଯ୍ୟାୟରେ ମତଦାନ ଶେଷ ହୋଇଛି । ଆସନ୍ତା 17 ତାରିଖରେ ପଞ୍ଚମ ପର୍ଯ୍ୟାୟ ଭୋଟିଂ । ପଶ୍ଚିମବଙ୍ଗ ଦଖଲ ମିଶନରେ ଆଜି ପୁଣି ମୈଦାନକୁ ଓହ୍ଲାଇବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ ।
ଆଜି(ସୋମବାର) ପଶ୍ଚିମବଙ୍ଗ ମୋଦି ଓ ଶାହଙ୍କ ତୋଫାନୀ ରାଲି ଦେଖିବାକୁ ମିଳିବ । ଦିଦିଙ୍କ ଗଡ ଭାଙ୍ଗିବାକୁ ଆଜି ଦୁଇ ହେଭିୱେଟ କରିବେ ପ୍ରଚାର ପ୍ରସାର । ପ୍ରଧାନମନ୍ତ୍ରୀ ମୋଦି ଆଜି ଏକା ସାଙ୍ଗରେ ତିନୋଟି ଜନସଭାକୁ ସମ୍ବୋଧନ କରିବେ । ଶାହ ଆଜି 4ଟି ସ୍ଥାନରେ ଭୋଟରଙ୍କୁ ଆକୃଷ୍ଟ କରିବାକୁ ପ୍ରୟାସ କରିବେ । ରବିବାର(ଗତକାଲି) ଶାହ 3ଟି ରାଲି ସହ 3ଟି ଜନସଭା କରିଥିଲେ ।
ଆଜି(ସୋମବାର) ଶାହ 2 ଟି ରୋଡ ଶୋ’ କରିବା ସହ 2 ଟି ଜନସଭାକୁ ସମ୍ବୋଧିତ କରିବେ । ପୂର୍ବାହ୍ନ 11ଟା 30 ମିନିଟିରୁ କାଲିପୋଙ୍ଗରୁ ରୋଡ ଶୋ’ ଆରମ୍ଭ କରିବେ । ଏହା ପରେ ମଧ୍ୟାହ୍ନ 1.40 ସମୟରେ ଧୁପଗୁରିରେ ଜନସଭାକୁ ଯିବେ । 3.30 ରେ ହେମଦାବାଦରେ ଜନସଭା ପରେ 5ଟା ପରେ ସିଲିଗୁରିରେ କରିବେ ଆଉ ତାପରେ ପୁଣି ଏକ ରୋଡ ଶୋ’ କୁ ଓହ୍ଲାଇବେ ଶାହ ।