ଆଜି 'ପ୍ରତିଜ୍ଞା ସମ୍ମିଳନୀ ଲକ୍ଷ୍ୟ ୨୦୨୨'କୁ ସମ୍ବୋଧନ କରିବେ ପ୍ରିୟଙ୍କା

ଆଜି ଓ ଆସନ୍ତାକାଲି(ସୋମବାର) ଦୁଇଦିନ ଧରି ବୁଲନ୍ଦସହର ଏବଂ ମୋରଦାବାଦରେ ଦଳର ପ୍ରତିଜ୍ଞା ସମ୍ମିଳନୀ ଲକ୍ଷ୍ୟ ୨୦୨୨କୁ ସମ୍ବୋଧନ କରିବେ ପ୍ରିୟଙ୍କା ଗାନ୍ଧୀ ଭଦ୍ରା । ଅଧିକ ପଢନ୍ତୁ...

ଲକ୍ଷ୍ନୌ: ଆଗକୁ ଆସୁଛି ୟୁପି ବିଧାନସଭା ନିର୍ବାଚନ । ଏବେଠୁ କଂଗ୍ରେସ ଆରମ୍ଭ କଲାଣି କସରତ । ତେବେ କଂଗ୍ରେସର ସାଧାରଣ ସମ୍ପାଦିକ ତଥା ଉତ୍ତରପ୍ରଦେଶ ଦାୟିତ୍ବରେ ଥିବା ପ୍ରିୟଙ୍କା ଗାନ୍ଧୀ ଭଦ୍ରା ଆଜି ଓ ଆସନ୍ତାକାଲି(ସୋମବାର) ବୁଲନ୍ଦସହର ଏବଂ ମୋରଦାବାଦରେ ଦଳର ପ୍ରତିଜ୍ଞା ସମ୍ମିଳନୀ ଲକ୍ଷ୍ୟ ୨୦୨୨କୁ ସମ୍ବୋଧନ କରିବେ । ଏନେଇ ସୂଚନା ଦେଇଛନ୍ତି ରାଜ୍ୟ ବିଜେପି ସଭାପତି ଅଜୟ କୁମାର ଲାଲୁ ।

ଏହାପରେ ସେ ପାର୍ଟି ଅଫିସରେ ସାରା ରାଜ୍ୟରେ ଆୟୋଜନ କରାଯାଉଥିବା ପ୍ରତିଜ୍ଞା ସମ୍ମିଳନୀ ଲକ୍ଷ୍ୟ ୨୦୨୨କୁ ନେଇ ବିଭିନ୍ନ ପ୍ରସଙ୍ଗରେ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଆଜି ପ୍ରଥମ ଥର ପାଇଁ ବୁଲନ୍ଦସହରରେ ଏହିପରି କାର୍ଯ୍ୟକ୍ରମ ଆୟୋଜିତ ହେଉଛି ।

ଆଗ୍ରା, ଆଲିଗଡ ଏବଂ ମେରଟ ଡିଭିଜନର ୧୪ଟି ଜିଲ୍ଲାରୁ କଂଗ୍ରେସ କର୍ମୀ ମାନେ ଏହି କାର୍ଯ୍ୟକ୍ରମରେ ଯୋଗଦେବେ । ଏହି 2ଦିନ ସାହାରନପୁର, ମୋରଦାବାଦ ଏବଂ ବରେଲିର 12ଟି ଜିଲ୍ଲାର ଅଫିସ କର୍ମଚାରୀଙ୍କ ସହ ଯୋଗାଯୋଗ କରିବେ । ତେବେ ଗତ ୩ବର୍ଷ ମଧ୍ୟରେ ପ୍ରିୟଙ୍କା ଗାନ୍ଧୀଙ୍କ ନେତୃତ୍ୱରେ ଉତ୍ତରପ୍ରଦେଶ କଂଗ୍ରେସ ଜନସାଧାରଣଙ୍କ ବିଭିନ୍ନ ପ୍ରସଙ୍ଗକୁ ନେଇ ସ୍ବର ଉଠାଇବା ସହ ଆହୁରି ମଜବୁତ କରିଛନ୍ତି ବୋଲି କହିଛନ୍ତି ଅଜୟ କୁମାର ଲାଲୁ ।