ନୂଆଦିଲ୍ଲୀ:ଉତ୍ତରପ୍ରଦେଶ ନିର୍ବାଚନ ଯେତିକି ପାଖେଇ ଆସୁଛି ବଢୁଛି ସେତିକି ଉଷ୍ମତା । ନିର୍ବାଚନ ରଣାଙ୍ଗନରେ ସମସ୍ତ ଦଳ ଏବେ ଭୋଟରଙ୍କୁ ଆକୃଷ୍ଟ କରିବା ପାଇଁ ଲାଗିପଡିଛନ୍ତି । ଏଭଳି ସ୍ଥିତରେ ବିଜେପି ଓ ସମାଜବାଦୀ ପାର୍ଟୀ ନିଜର ମୁଖ୍ୟମନ୍ତ୍ରୀ ଚେହେରା ଘୋଷଣା କରିଥିବାବେଳେ ସେପଟେ କଂଗ୍ରେସ ନିଜର ମୁଖ୍ୟମନ୍ତ୍ରୀ ପଦବୀକୁ ନେଇ ଇସାରା ଦେଇଛି। ଆଜି ଗଣମାଧ୍ୟମ ପ୍ରତିନିଧିଙ୍କ ସହିତ କଥାବାର୍ତ୍ତା ବେଳେ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀ ଭଦ୍ରା ସୂଚନା ଦେଇଛନ୍ତି । କଂଗ୍ରେସରେ ଆଉ କେହି ନୁହେଁ, ମୁଁ ନିଜେ ହିଁ ମୁଖ୍ୟମନ୍ତ୍ରୀ ପ୍ରାର୍ଥୀ ବୋଲି ଇସାରା ଦେଇଛନ୍ତି ପ୍ରିୟଙ୍କା ।
ଶୁକ୍ରବାର ପ୍ରିୟଙ୍କା ଗାନ୍ଧୀ ଗଣମାଧ୍ୟମ ସହିତ କଥା ହେବାବେଳେ ଉତ୍ତରପ୍ରଦେଶ ନିର୍ବାଚନରେ କଂଗ୍ରେସର ମୁଖ୍ୟମନ୍ତ୍ରୀ ପ୍ରାର୍ଥୀ କିଏ ବୋଲି ପ୍ରଶ୍ନ କରାଯାଇଥିଲା। ଏହାର ଜବାର ପ୍ରିୟଙ୍କା ଗାନ୍ଧି କହିଥିଲେ ମୋ ଚେହେରା ସମସ୍ତ ସ୍ଥାନରେ ଦେଖୁଛନ୍ତି । ଯାହା ସେ ମୁଖ୍ୟମନ୍ତ୍ରୀ ପଦବୀକୁ ନେଇ ଇସାରା ଦେଇଛନ୍ତି । ତେବେ ଚଳିତ ଥର ଉତ୍ତରପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସ ଏକାକୀ ଲଢୁଛି। କୌଣସି ଦଳ ସହ ମେଣ୍ଟ ଗଠନ କରିନାହିଁ । ଏହା ସହ ଚଳିତ ଉତ୍ତରପ୍ରଦେଶ ବିଧାନସଭା ନିର୍ବାଚନର କଂଗ୍ରେସ ପ୍ରିୟଙ୍କାଙ୍କ ନେତୃତ୍ବରେ ଲଢୁଛି। କଂଗ୍ରେସ ଉତ୍ତରପ୍ରଦେଶରେ ଚଳିତ ଥର 'main ladki hun lad sakti hun' ନାରା ମାଧ୍ୟମରେ ରାଜ୍ୟରେ ନାରୀଙ୍କୁ ଅଧିକ ମାତ୍ରାରେ ସାମିଲ କରାଯାଉଛି । ବିଶେଷ କରି ନାରୀଙ୍କୁ ମଧ୍ୟ ବିଧାନସଭା ନିର୍ବାଚନରେ ଟିକଟ ପ୍ରଦାନ କରି କଂଗ୍ରେସ ଚକମା ଦେବାକୁ ଚେଷ୍ଟା ଜାରି ରଖିଛି।