ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (Prime Minister Narendra Modi) ଆସନ୍ତାକାଲି ପୂର୍ବାହ୍ନ ୧୦.୩୦ରେ ନୂଆଦିଲ୍ଲୀ ସ୍ଥିତି ପ୍ରଗତି ମଇଦାନର ସମନ୍ୱିତ ଟ୍ରାଞ୍ଜିଟ କରିଡର ପ୍ରକଳ୍ପ ( Pragati Maidan Integrated Transit Corridor project ) ର ମୁଖ୍ୟ ଟନେଲ ଉଦଘାଟନ କରିବେ । ଏହାସହ ପାଞ୍ଚଟି ଭୂତଳରାସ୍ତା ମଧ୍ୟ ଦେଶବାସୀଙ୍କ ଉଦ୍ଦେଶ୍ୟରେ ଉତ୍ସର୍ଗ କରିବେ । ଏହି ଅବସରରେ ଆୟୋଜିତ ଏକ କାର୍ଯ୍ୟକ୍ରମକୁ ମଧ୍ୟ ସମ୍ବୋଧିତ କରିବେ । ସମନ୍ୱିତ ଟ୍ରାଞ୍ଜିଟ କରିଡର ପ୍ରକଳ୍ପ ହେଉଛି ପ୍ରଗତି ମଇଦାନ ପୁନଃ ର୍ନିମାଣ ପ୍ରକଳ୍ପର ଏକ ଅଂଶବିଶେଷ ।
ପ୍ରଗତି ମଇଦାନ ସମନ୍ୱିତ ଟ୍ରାଞ୍ଜିଟ କରିଡର ପ୍ରକଳ୍ପ ୯୨୦ କୋଟି ଟଙ୍କାରୁ ଅଧିକ ମୂଲ୍ୟରେ ର୍ନିମାଣ କରାଯାଇଛି । ଏହି ପ୍ରକଳ୍ପ ସମ୍ପୂର୍ଣ୍ଣ ଭାବେ କେନ୍ଦ୍ର ସରକାରଙ୍କ ଦ୍ୱାରା ଅନୁଦାନ ପ୍ରାପ୍ତ । ପ୍ରଗତି ମଇଦାନରେ ବିକଶିତ ହେଉଥିବା ନୂତନ ବିଶ୍ୱସ୍ତରୀୟ ପ୍ରଦର୍ଶନୀ ଏବଂ ସମ୍ମିଳନୀ କକ୍ଷକୁ ବାଧା ମୁକ୍ତ ଏବଂ ସହଜ ଯାତାୟାତ ପାଇଁ ଏହା ଲକ୍ଷ୍ୟ ରଖାଯାଇଛି । ଯାହା ଦ୍ୱାରା ପ୍ରଗତି ମଇଦାନରେ ଆୟୋଜିତ ହେଉଥିବା ବିଭିନ୍ନ କାର୍ଯ୍ୟକ୍ରମରେ ପ୍ରଦର୍ଶକ ଏବଂ ପରିଦର୍ଶକଙ୍କ ଅଂଶଗ୍ରହଣ ସହଜ ହୋଇପାରିବ । ଏହି ପ୍ରକଳ୍ପର ପ୍ରଭାବ ପ୍ରଗତି ମଇଦାନଠାରୁ ବହୁ ଆଗରେ ରହିବ । କାରଣ ଏହା ସହଜ ଯାନବାହନ ଚଳାଚଳକୁ ସୁନିଶ୍ଚିତ କରିବ ।