ପ୍ରଥମ ସର୍ବଭାରତୀୟ ଜିଲ୍ଲା ଆଇନସେବା ପ୍ରାଧିକରଣ ଉଦଘାଟନୀ ଅଧିବେଶନ, ସମ୍ବୋଧିତ କରିବେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତାକାଲି (ଶନିବାର) ଜୁଲାଇ ୩୦ ପୂର୍ବାହ୍ନ ୧୦ଟାରେ ନୂଆଦିଲ୍ଲୀ ବିଜ୍ଞାନ ଭବନ ଠାରେ ପ୍ରଥମ ସର୍ବଭାରତୀୟ ଜିଲ୍ଲା ଆଇନସେବା ପ୍ରାଧିକରଣର ଉଦଘାଟନୀ ଅଧିବେଶନକୁ ସମ୍ବୋଧିତ କରିବେ । ଅଧିକ ପଢନ୍ତୁ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତାକାଲି (ଶନିବାର) ଜୁଲାଇ ୩୦ ପୂର୍ବାହ୍ନ ୧୦ଟାରେ ନୂଆଦିଲ୍ଲୀ ବିଜ୍ଞାନ ଭବନ ଠାରେ ପ୍ରଥମ ସର୍ବଭାରତୀୟ ଜିଲ୍ଲା ଆଇନସେବା ପ୍ରାଧିକରଣର ଉଦଘାଟନୀ ଅଧିବେଶନକୁ ସମ୍ବୋଧିତ କରିବେ ।

ଜିଲ୍ଲା ଆଇନସେବା ପ୍ରାଧିକରଣ (District Legal Services Authorities) ର ପ୍ରଥମ ଜାତୀୟ ସ୍ତରୀୟ ସମ୍ମିଳନୀ ଜାତୀୟ ଆଇନ ସେବା ପ୍ରାଧିକରଣ (ଏନଏଏଲଏସଏ) ଦ୍ୱାରା ଜୁଲାଇ ୩୦ରୁ ଜୁଲାଇ ୩୧ ପର୍ଯ୍ୟନ୍ତ ଆୟୋଜିତ ହେବ । ଡିଏଲଏସଏ ଗୁଡିକ ମଧ୍ୟରେ ସମାନତା ଓ ସମନ୍ୱୟ ସ୍ଥାପନ ପାଇଁ ସମନ୍ୱିତ ପ୍ରକ୍ରିୟା ଆରମ୍ଭ କରିବା ପାଇଁ ଏହି ବୈଠକରେ ଆଲୋଚନା ହେବ ।

ଦେଶରେ ସମୁଦାୟ ୬୭୬ ଜିଲ୍ଲା ଆଇନସେବା ପ୍ରାଧିକରଣ (District Legal Services Authorities) ରହିଛି । ଜିଲ୍ଲା ଜଜ ଅଧ୍ୟକ୍ଷ ଭାବେ ଏହି ପ୍ରାଧିକରଣର ଦାୟିତ୍ୱ ତୁଲାଇଥାନ୍ତି । ଡିଏଲଏସଏ ଓ ରାଜ୍ୟ ଆଇନସେବା ପ୍ରାଧିକରଣ (ଏସଏଲଏସଏ)ଗୁଡିକ ମାଧ୍ୟମରେ ଆଇନ ସହାୟତା ପ୍ରଦାନ କରିବା ସହ ଏନଏଏଲଏସଏ ଦ୍ୱାରା ଆରମ୍ଭ ସଚେତନତା କାର୍ଯ୍ୟକ୍ରମଗୁଡିକୁ ରୂପାୟନ କରିଥାଏ । ଏନଏଏଲଏସଏ ଦ୍ୱାରା ଆୟୋଜିତ ଲୋକ ଅଦାଲତଗୁଡିକୁ ପରିଚାଳନା କରି ଡିଏଲଏସଏ ଅଦାଲତର ବୋଝ ହ୍ରାସ କରିବାରେ ସାହାଯ୍ୟ କରିଥାଏ ।