ନୂଆଦିଲ୍ଲୀ: ଆସନ୍ତାକାଲି(୩୦ ଏପ୍ରିଲ) ଅନୁଷ୍ଠିତ ହେବା ସବୁ ରାଜ୍ୟର ମୁଖ୍ୟମନ୍ତ୍ରୀ ଓ ହାଇକୋର୍ଟର ମୁଖ୍ୟ ବିଚାରପତିଙ୍କ ନେଇ ଯୁଗ୍ମ ସମ୍ମିଳନୀ(Joint Conference) । ଏହି ସମ୍ମିଳନୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି(PM Narendra Modi) ମଧ୍ୟ ଯୋଗଦେବା ସହ ନ୍ୟାୟିକ ବ୍ୟବସ୍ଥାକୁ ନେଇ ନିଜର ବିବୃତ୍ତି ରଖିବେ । ଦିଲ୍ଲୀର ବିଜ୍ଞାନ ଭବନରେ ଏହି ସମ୍ମିଳନୀ ଅନୁଷ୍ଠିତ ହେବ ।
ସେହିଭଳି ସମ୍ମିଳନୀରେ ସୁପ୍ରିମକୋର୍ଟର ମୁଖ୍ୟ ବିଚାରପତି ଜଷ୍ଟିସ ଏନଭି ରମଣା ମଧ୍ୟ ଯୋଗଦେବା ସହ ଆଇନ ଓ ନ୍ୟାୟ ବ୍ୟବସ୍ଥାକୁ ନେଇ ଉଦ୍ବୋଧନ ଦେବେ । ଏଥିସହ ଜାତୀୟ ନ୍ୟାୟିକ ଭିତ୍ତିଭୂମି ନିଗମ(National Judicial Infrastructure Corporation) ପ୍ରତିଷ୍ଠା ଲାଗି ମୁଖ୍ୟ ବିଚାରପତି ପ୍ରସ୍ତାବ ଆଗତ କରିବେ ବୋଲି ଜଣାପଡିଛି । ଫଳରେ ଏହି ନିଗମ ପ୍ରତିଷ୍ଠା ହେବା ଦ୍ବାରା ନ୍ୟାୟିକ ଭିତ୍ତିଭୂମିର ବିକାଶ ହୋଇପାରିବ ।