ନୂଆଦିଲ୍ଲୀ:ଗୁଜୁରାଟର ରାଜକୋଟରେ ଏମ୍ସର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭିଡିଓ କନଫରେନ୍ସି ଜରିଆରେ କଲେ କାର୍ଯ୍ୟକ୍ରମର ଶୁଭାରମ୍ଭ ।
ସ୍ବାସ୍ଥ୍ୟ ହିଁ ସମ୍ପଦ, ଚଳିତ ବର୍ଷଟି ଏହା ଆମକୁ ଭଲ ଭାବରେ ଶିଖାଇଛି । ଏହି ବର୍ଷ ଆମ ପାଇଁ ଏକ ଚ୍ୟାଲେଞ୍ଜ ଭାବରେ ଉଭା ହୋଇଛି । ସ୍ବାସ୍ଥ୍ୟ କ୍ଷେତ୍ରରେ ଉନ୍ନତି ଆଣିବାକୁ ଆମେ ସର୍ବଦା ପ୍ରସ୍ତୁତ ବୋଲି ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ବର୍ଷର ଶେଷ ଦିନରେ ଭାରତର ସମସ୍ତ ଡାକ୍ତର, ନର୍ସ, ସ୍ବାସ୍ଥ୍ୟ କର୍ମଚାରୀ, ସଫେଇ କର୍ମଚାରୀଙ୍କ ସମେତ କୋରୋନା ଯୋଦ୍ଧାଙ୍କୁ ମନେପକାଇବାର ଦିନ । କର୍ମକ୍ଷେତ୍ରରେ ଯେଉଁମାନେ ନିଜ ଜୀବନକୁ ଆମ ପାଇଁ ବାଜି ଲଗେଇଛନ୍ତି ସେମାନଙ୍କୁ କୋଟି କୋଟି ପ୍ରମାଣ ଜଣାଇଛନ୍ତି ପ୍ରଧାନମନ୍ତ୍ରୀ । ଯେତେବେଳେ ଯାଏଁ ଔଷଧ ନାହିଁ ସେ ପର୍ଯ୍ୟନ୍ତ କିଛି ବି ଅଣଦେଖା କରାଯିବନାହିଁ ବୋଲି ଏହି ସମାରୋହରେ କହିଛନ୍ତି ମୋଦି । ସମୟ 11ଟାରେ ଭିଡିଓ କନଫରେନ୍ସି ଜରିଆରେ ଭିତ୍ତିପ୍ରସ୍ତରର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ।