PM Modi Visit Telengana: ତେଲେଙ୍ଗାନା ଗସ୍ତରେ ଯିବେ ପ୍ରଧାନମନ୍ତ୍ରୀ, 7 ହଜାର କୋଟି ପ୍ରକଳ୍ପ ଦେବେ ଭେଟି

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ର ସୂଚନା ଅନୁସାରେ ଆସନ୍ତା ଜାନୁୟାରୀ 19 ରେ ପ୍ରଧାନମନ୍ତ୍ରୀ ମୋଦି ଦିନିକିଆ ତେଲେଙ୍ଗାନା ଗସ୍ତରେ ଯିବେ (Prime Minister Narendra Modi will visit Telangana) । ଗସ୍ତ ଅବସରରେ ପ୍ରଧାନମନ୍ତ୍ରୀ ଅଷ୍ଟମ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିବେ । ଅଧିକ ପଢନ୍ତୁ

ନୂଆଦିଲ୍ଲୀ: ତେଲେଙ୍ଗାନାକୁ ମିଳିବ ଦେଶର ଅଷ୍ଟମ ବନ୍ଦେ ଭାରତ ଏକ୍ସପ୍ରେସ । ଆସନ୍ତା 19 ତାରିଖରେ ସିକନ୍ଦରବାଦ ରେଳ ଷ୍ଟେସନରୁ ଏହାର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ ମୋଦି (Prime Minister to flag off the 8th Vande Bharat Express) । ଏହି ଟ୍ରେନଟି ସିକନ୍ଦରବାଦଠାରୁ ବିଶାଖାପାଟ୍ଟଣମ୍‌ ପର୍ଯ୍ୟନ୍ତ ଚାଲିବ ( Vande Bharat train to run between Secunderabad and Visakhapatnam) । ୱାରଙ୍ଗଲ, ଖମାମ, ବିଜୟୱାଡା, ଓ ରାଜମୁଣ୍ଡ୍ରୀରେ ଏହାର ଷ୍ଟପେଜ ହେବ । ସିକନ୍ଦରବାଦଠାରୁ ବିଶାଖାପାଟ୍ଟଣମ 700 କିମି ରାସ୍ତାକୁ 8 ଘଣ୍ଟାରେ ଅତିକ୍ରମ କରିବ ବନ୍ଦେ ଭାରତ ଏକ୍ସପ୍ରେସ ।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (PMO)ର ସୂଚନା ଅନୁସାରେ ଆସନ୍ତା ଜାନୁଆରୀ 19ରେ ପ୍ରଧାନମନ୍ତ୍ରୀ ମୋଦି ଦିନିକିଆ ତେଲେଙ୍ଗାନା ଗସ୍ତରେ ଯିବେ (Prime Minister Narendra Modi will visit Telangana) । ଗସ୍ତ ଅବସରରେ ପ୍ରଧାନମନ୍ତ୍ରୀ ଅଷ୍ଟମ ବନ୍ଦେ ଭାରତ ଏକ୍ସପ୍ରେସର ଶୁଭାରମ୍ଭ କରିବେ । ଏହି ଟ୍ରେନ ସିକନ୍ଦରବାଦଠାରୁ ବିଶାଖାପାଟ୍ଟଣମ ପର୍ଯ୍ୟନ୍ତ ଚାଲିବ । ପରେ ସିକନ୍ଦରବାଦ ରେଳ ଷ୍ଟେସନର ଆଧୁନିକୀରଣ ପାଇଁ ଭୂମିପୂଜନରେ ସାମିଲ ହେବେ । 699 କୋଟି ଟଙ୍କା ବ୍ୟୟରେ ସିକନ୍ଦରବାଦ ରେଳ ଷ୍ଟେସନର ଆଧୁନିକୀରଣ ହେବ (PM Modi to perform the Bhumi Pujan for the development works at Secunderabad railway station)

ପରେ ପ୍ରଧାନମନ୍ତ୍ରୀ 150 କିମି ଜାତୀୟ ରାଜପଥ ନିର୍ମାଣର ଭୂମି ପୂଜନରେ ସାମିଲ ହେବେ । ଯାହାର ବ୍ୟୟବରାଦ ରହିଛି 1850 କୋଟି (Prime Minister will also perform the Bhumi Pujan for about 150 km of National highway roads ) । ଏହି 150 ଜାତୀୟ ରାଜପଥ ମଧ୍ୟରେ 103 କିମି ଜାତୀୟ ରାଜପଥ 167N ମେହବୁବନଗର-ଚିନଚୋଲି ମଧ୍ୟରେ ନିର୍ମାଣ ହେବ । ଏହାସହ ଏକ ରେଳ ୱାର୍କସପ୍‌ ନିର୍ମାଣ ପାଇଁ ଭିତ୍ତିପ୍ରସ୍ତର ରଖିବେ । ଏହା କାଜିପେଟ ଷ୍ଚେସନରେ ନିର୍ମାଣ ହେବ । ଖର୍ଚ୍ଚ ହେବ 521 କୋଟି ଟଙ୍କା । ଏହି ୱାର୍କସପ୍‌ ନିର୍ମାଣ ହେଲେ, ଏଠାରେ ରେଳ ଇଞ୍ଜିନ ଓ ବଗି ଗୁଡିକର ମରାମତି ହୋଇପାରିବ । ଯାହାଦ୍ୱାରା 3 ହଜାରରୁ ଅଧିକ ନିଯୁକ୍ତି ପାଇବେ ।

ସେହିପରି ପ୍ରଧାନମନ୍ତ୍ରୀ ମୋଦି ସିକନ୍ଦରବାଦ-ମେହବୁବନଗର ମଧ୍ୟରେ ହେବାକୁ ଥିବା 85 କିମି ଦୁଇ ଥାକିଆ (ଡବଲିଂ) ରେଳ ଧାରଣର ମଧ୍ୟ ଶିଳାନ୍ୟାସ କରିବେ । ଏଥିପାଇଁ ଖର୍ଚ୍ଚ ହେବ 1 ହଜାର 410 କୋଟି ଟଙ୍କା । ଏତତ ବ୍ୟତୀତ ଏକାଧିକ ପ୍ରକଳ୍ପର ଶିଳାନ୍ୟାସ ଉଦଘାଟନ କରିବେ ପ୍ରଧାନମନ୍ତ୍ରୀ ମୋଦି । ପରେ ହାଇଦ୍ରାବାଦ ପ୍ୟାରେଡ ଗ୍ରାଉଣ୍ଡରେ ଆୟୋଜିତ ହେବାକୁ ଥିବା ଏକ ସାଧାରଣସଭାକୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ମୋଦି ।

ସୂଚନାଯୋଗ୍ୟ ଯେ ଗତ 2 ମାସ ମଧ୍ୟରେ ଏହା ପ୍ରଧାନମନ୍ତ୍ରୀ ମୋଦିଙ୍କ ଦ୍ବିତୀୟ ତେଲେଙ୍ଗାନା ଗସ୍ତ ହେବ । ଚଳିତ ବର୍ଷ ଶେଷ ଆଡକୁ ତେଲେଙ୍ଗାନା ବିଧାନସଭା ନିର୍ବାଚନ ହେବ । ଶାସକ BRSକୁ କ୍ଷମତାଚ୍ୟୁତ କରି ବିଜେପି କ୍ଷମତା ଦଖଲ ଯୋଜନାରେ କାମ କରୁଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ