ନୂଆଦିଲ୍ଲୀ: ଆଜିଠୁ(ଗୁରୁବାର) ତିନି ଦିନିଆ ଗୁଜୁରାଟ ଗସ୍ତରେ ଯିବେ ରାଷ୍ଟ୍ରପତି ରାମନାଥ କୋବିନ୍ଦ । ଏହି ଗସ୍ତରେ ସେ ପ୍ରଧାନମନ୍ତ୍ରୀ ଆବାସ ଯୋଜନାର ହିତାଧିକାରୀଙ୍କୁ ଗୃହ ପ୍ରଦାନ କରିବେ ବୋଲି ସୂଚନା ମିଳିଛି । ଏହା ସହିତ ରାମକଥା ବାଚକ ମୁରବୀ ବାପୁଙ୍କ ଭେଟିବେ ରାମନାଥ କୋବିନ୍ଦ । ରାଷ୍ଟ୍ରପତିଙ୍କ ଗାନ୍ଧୀନଗର ଗସ୍ତ ସମ୍ପର୍କରେ ସୂଚନା ଦେଇ ଗୁଜରାଟର ଶିକ୍ଷା ମନ୍ତ୍ରୀ ଜିତୁ ବଘାନି କହିଛନ୍ତି ଯେ ଗୁରୁବାର ଅପରାହ୍ନରେ ରାମନାଥ କୋବିନ୍ଦ ଅହମ୍ମଦାବାଦ ବିମାନବନ୍ଦରରେ ପହଞ୍ଚିବେ ।
ରାଜ୍ୟ ସରକାରଙ୍କ ମୁଖପାତ୍ର ଜିତୁ ବାଘାନି କହିଛନ୍ତି ସନ୍ଧ୍ୟାରେ ରାଷ୍ଟ୍ରପତି ରାମନାଥ କୋବନ୍ଦ ଗାନ୍ଧୀନଗର ସ୍ଥିତ ରାଜଭବନରେ ଗୁଜୁରାଟ ଉଚ୍ଚ ନ୍ୟାୟଳୟର ଅଧିକାରୀଙ୍କୁ ଭେଟିବେ । ଏହା ପରେ ମୁରାରୀ ବାପୁଙ୍କୁ ଭେଟିବାକୁ ଯିବେ । ଭାବନଗର ଜିଲ୍ଲା ମହୁବା ନିକଟରେ ଅବସ୍ଥିତ ମୁରାରୀ ବାପୁଙ୍କ ଆଶ୍ରମ ଚିତ୍ରକୁଟଧାମ୍ ପରିଦର୍ଶନ କରିବାକୁ ରାଷ୍ଟ୍ରପତି କୋବିନ୍ଦଙ୍କର ଯୋଜନା ରହିଛି । ମନ୍ତ୍ରୀ କହିଛନ୍ତି ଯେ ସନ୍ଧ୍ୟାରେ ରାଷ୍ଟ୍ରପତି କୋବିନ୍ଦ ଭାବନଗର ସହରକୁ ଫେରିବେ ଯେଉଁଠାରେ ସେ ପ୍ରଧାନମନ୍ତ୍ରୀ ଆବାସ ଯୋଜନା ଅଧୀନରେ ଅର୍ଥନୈତିକ ଦୁର୍ବଳ ବିଭାଗ ପାଇଁ ନିର୍ମିତ 1,088 ଘର ହିତାଧିକାରୀଙ୍କୁ ହସ୍ତାନ୍ତର କରିବେ ।