ନୂଆଦିଲ୍ଲୀ:ନିଜ କାର୍ଯ୍ୟକାଳର ଅନ୍ତିମ ଦିବସର ସଂଧ୍ୟାରେ ଦେଶକୁ ବିଦାୟୀ ସମ୍ବୋଧିତ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ନିଜ ଶେଷ ସମ୍ବୋଧନରେ ଗଣତନ୍ତ୍ରର ଶକ୍ତିକୁ ବିଶେଷ ଭାବେ ବର୍ଣ୍ଣନା କରିଛନ୍ତି ରାଷ୍ଟ୍ରପତି । ଗଣତନ୍ତ୍ରର ଶକ୍ତିକୁ ଦର୍ଶାଇ ନିଜ ଉଦାହରଣ ଦେଇଛନ୍ତି ରାଷ୍ଟ୍ରପତି । ରାଷ୍ଟ୍ରପତି ରାମନାଥ କୋବିନ୍ଦ କହିଛନ୍ତି, ‘‘5 ବର୍ଷ ପୂର୍ବେ ମୁଁ ତୁମର ନିର୍ବାଚିତ ଜନ ପ୍ରତିନିଧିଙ୍କ ମାଧ୍ୟମରେ ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲି । ରାଷ୍ଟ୍ରପତି ଭାବରେ ମୋର କାର୍ଯ୍ୟକାଳ ଆଜି ଶେଷ ହୋଇଛି । ମୁଁ ଆପଣ ଏବଂ ଆପଣଙ୍କର ଜନ ପ୍ରତିନିଧିମାନଙ୍କୁ ମୋର ହୃଦୟରୁ କୃତଜ୍ଞତା ଜଣାଉଛି’’ ।
ସେହିପରି ସେ ଗଣତନ୍ତ୍ରର ଶକ୍ତିକୁ ପରିପ୍ରକାଶ କରିବାକୁ ଯାଇ ନିଜ ସାଧାରଣ ପୃଷ୍ଠଭୂମିର ଉଦାହରଣ ମଧ୍ୟ ଦେଶବାସୀଙ୍କ ସାମ୍ନାରେ ରଖିଛନ୍ତି । ରାଷ୍ଟ୍ରପତି କୋବିନ୍ଦ କହିଛନ୍ତି ‘‘ରାମନାଥ କୋବିନ୍ଦ ଉତ୍ତର ପ୍ରଦେଶର ଦେହାତ ଜିଲ୍ଲାର କାନପୁର ନିକଟବର୍ତ୍ତୀ ଏକ ଅତି ସାଧାରଣ ପରିବାରରେ ଜନ୍ମ ହୋଇଥିଲେ । ଆଜି ସମସ୍ତ ଦେଶବାସୀଙ୍କୁ ସମ୍ବୋଧିତ କରୁଛନ୍ତି । ଏହା ହେଉଛି ଗଣତନ୍ତ୍ରର ଶକ୍ତି । ମୁଁ ସେ ଶକ୍ତିକୁ ନମନ କରୁଛି । ’’
‘‘ଉନ୍ନବିଂଶ ଶତାବ୍ଦୀରେ ଦେଶର ସ୍ବାଧୀନତା ପାଇଁ ସଂଗ୍ରାମ ଆରମ୍ଭ ହୋଇଥିଲା । ଦୀର୍ଘ ବର୍ଷର ସଂଗ୍ରାମ ପରେ ଆମକୁ ସ୍ବାଧୀନତା ମିଳିଛି । ଏବେ ସମୟ ସହ ତାଳ ମିଳାଇ ଏକବିଂଶ ଶତାବ୍ଦୀର ଭାରତ ଗଠନ କରିବା ପାଇଁ ଦେଶ ସକ୍ଷମ ହେବାରେ ଲାଗିଛି । ମୋର ଦୃଢ ବିଶ୍ବାସ ରହିଛି, ଆମର ପୂର୍ବଜ ଓ ଆଧୁନିକ ଦେଶ ନିର୍ମାଣକାରୀଙ୍କ କଠିନ ପରିଶ୍ରମ ଓ ସେବା ଭାବନା ଦ୍ବାରା ତାହା ସମ୍ଭବ ହେବା ପାଇଁ ଯାଉଛି । ସମାନେ ଆମ ସମାଜରେ ନ୍ୟାୟ ସ୍ବତନ୍ତ୍ରତା, ସମତା ଓ ବନ୍ଧୁତ୍ବକୁ ଚରିତାର୍ଥ କରିଥିଲେ ।’’
ଜନତା ହିଁ ଦେଶରେ ନିର୍ମାତା:-