ନୂଆଦିଲ୍ଲୀ: ଛଟ୍ ପୂଜାର ଆଜି ହେଉଛି ତୃତୀୟ ଦିନ । ସୂର୍ଯ୍ୟ ଅସ୍ତ ହେବା ସମୟରେ ଅର୍ଘ୍ୟ ଅର୍ପଣ କରାଯିବ । ଯାହାକୁ ସନ୍ଧ୍ୟା ଅର୍ଘ୍ୟ ବୋଲି କୁହାଯାଏ । ତେବେ 4 ଦିନ ଧରି ଅନୁଷ୍ଠିତ ହେଉଥିବା ଛଟ୍ ପୂଜାର ଆଜି ହେଉଛି ସବୁଠାରୁ ଗୁରୁତ୍ବପୂର୍ଣ୍ଣ ଦିନ । ଏହି ଅବସରରେ ରାଷ୍ଟ୍ରପତି ରାମନାଥ କୋଭିନ୍ଦ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି ।
ଦେଶବାଶୀଙ୍କୁ ଛଟ୍ ପୂଜାର ଶୁଭେଚ୍ଛା ଜଣାଇଲେ ରାଷ୍ଟ୍ରପତି ରାଷ୍ଟ୍ରପତି ଟ୍ବିଟ କରି କହିଛନ୍ତି, ଛଟ୍ ପୂଜାରେ ଦେଶବାସୀଙ୍କୁ ଶୁଭେଚ୍ଛା । ମୋର କାମନା ଯେ ଛଟ୍ ମୈୟା ଏହି ବର୍ଷ ସମସ୍ତ ଦେଶବାସୀଙ୍କୁ ସ୍ବାସ୍ଥ୍ୟ ଏବଂ ସମୃଦ୍ଧିର ଆଶୀର୍ବାଦ ଦିଅନ୍ତୁ । ଆସନ୍ତୁ, ଛଟ୍ ପୂଜାର ଏହି ଶୁଭ ଅବସରରେ ପ୍ରକୃତି ଏବଂ ପରିବେଶକୁ ସଂରକ୍ଷଣ କରିବା ପାଇଁ ଏକ ପ୍ରତିଶୃତି ନେବା । ଏବଂ କୋଭିଡ -19 ମହାମାରୀକୁ ଦୃଷ୍ଟିରେ ରଖି ଉତ୍ସବ ପାଳନ କରିବା ।
ଉଦୟ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କରିବାର ପଦ୍ଧତି ଅନେକ ଉପବାସ ଏବଂ ପର୍ବରେ ଅଛି । କିନ୍ତୁ ସୂର୍ଯ୍ୟୋଦୟକୁ ଅର୍ଘ୍ୟ ଅର୍ପଣ କରିବାର ପରମ୍ପରା କେବଳ ଛଟ୍ ପୂଜାରେ ହୋଇଥାଏ । ବାଉଁଶ ଟୋକେଇକୁ ଫଳ, ଠେକୁଆ, ଚାଉଳ ଲଡୁ ଏବଂ ପୂଜା ସାମାନରେ ସଜାଯାଇଥାଏ । ସୂର୍ଯ୍ୟାସ୍ତର କିଛି ସମୟ ପୂର୍ବରୁ ସୂର୍ଯ୍ୟ ଦେବତାଙ୍କର ପୂଜାର୍ଚ୍ଚନା କରାଯାଇଥାଏ । ଅର୍ପଣ କରିବା ପୂର୍ବରୁ ସଜାଯାଇଥାଏ । ସୂର୍ଯ୍ୟାସ୍ତର କିଛି ସମୟ ପୂର୍ବରୁ ସୂର୍ଯ୍ୟ ଦେବତାଙ୍କୁ ପୂଜା କରାଯାଏ । ଏହାପରେ ଅର୍ଘ୍ୟ ଅର୍ପଣ କରି ପାଞ୍ଚ ଥର ପରିକ୍ରମା କରାଯାଏ ।
ପୌରାଣିକ କଥା ଅନୁଯାୟୀ, ସୂର୍ଯ୍ୟ ସନ୍ଧ୍ୟା ସମୟରେ ତାଙ୍କ ପତ୍ନୀ ପ୍ରତ୍ୟୁଷାଙ୍କ ସହ ରହିଥାନ୍ତି । ତେଣୁ ଛଟ୍ ପୂଜା ସନ୍ଧ୍ୟାରେ ସୂର୍ଯ୍ୟଙ୍କ ଶେଷ କିରଣ ପ୍ରତ୍ୟୁଷାଙ୍କୁ ଅର୍ଘ୍ୟ ଅର୍ପଣ କରି ପୂଜା କରାଯାଏ । କୁହାଯାଏ ଯେ ଯେଉଁ ମହିଳାମାନେ ଏହି ଉପବାସ ରଖନ୍ତି ସେମାନେ ଦ୍ବିଗୁଣ ଲାଭ ପାଇଥାଆନ୍ତି । ଯେଉଁମାନେ ସୂର୍ଯ୍ୟାସ୍ତର ପୂଜା କରନ୍ତି, ସେମାନେ ମଧ୍ୟ ଉଦୟ ସୂର୍ଯ୍ୟଙ୍କୁ ପୂଜା କରିବା ଉଚିତ୍ ।
